حصان بري

كلامك اثر فيا اوي

عارف الفترة دي بمر بمرحلة ان كل الخيارات اللي املكها كلها متساوية
وفعلا افتكرت اني كدة اعيش حالة من السلام من جوايا

كنت فاكرة اني بواجه الكون بجد
واني قادرة علي حاجات كتير اوي طالما اتساوت كل الخيارات ادامي
بس مش كنت اعرف اني كدة بتنازل عن بعض من مبادئي زي مانت كاتب

فكرت كتير الي ما يدعوني هذا العالم اليه
وما هي نهايته
وقد ظنت اني امسك بخيط النهاية

ولكن بكلامك رجعتني بذاكرتي لمليوووووون سنة
لناس كانت يمكن برضه بتفكر زيي

الحب

بسؤالك دة حيرتني
ولكن ما ادرانا بوجودها
لو كنا ننكر وجودها ما كنا احتجنا اليها
يبقي اكيد هي موجودة بحق وبالفطرة لاحتياجنا لها وجعلها موجودة بحق


سيبك انت
المهم اخبارك ايه؟

سمرا:
الاحساس بتفاهه ما يتشاجر من اجله الاغلبيه
ساعات بيخلينا ماناخدش بالنا ان فيه نقاط بتكون لها اهميتها
ففي نشوه الاحساس بالافلاطونيه ممكن نتخلي عنها هي شخصيا

ايه الكلام الكبير ده:)
:)بصي هو زي مانتي قلتي

هذا العالم سنظل نتعجب طوال العمر
منه
ومن انفسنا وتصرفاتنا فيه

مليون سنه
ايوه ايام المدونات الحجريه:)
كل الناس فكرت نفس التفكير في يوم
بس بنعقل ونقوم ندور في الطاحونه وننسي

الحب
وجهه نظر برضه:)
ولكن متي كنا نحتاج لوجود الشيء في الطبيعه حتي نحتاج اليه ونتخيله
اذا لما وجدت الاختراعات يا سمرا
ان لخيالنا جواد من اجمح ما يكون

انا؟
بمب :)
بس لسه بمتحن :(
دعواتك
نورتيني

هي كلمات نزار رائعة
ولما غناها كاظم صارت اروع

انا بس بدي اقولك شي عن الانسان جملة قريتها بمكان ما

كلنا كالقمر له جانب مظلم

تحياتي

السلااااام عليكمممم
هو فين بقى السمك والتمر الهندى دا
مالكلام كله سليم وعقلانى جدااا وفيه افادة عالاقل بيفكرنا بحال البشر

بس حلوة الصدفة دى انك كاتب كلام صلاح جاهين اللى بيقول فيه عن الشتا
انا لسا شايفاها امبارح مش فاكرة فين وعجبتنى اوى واخدتها ضمن الكلمات المأثورة اللى بحب اجمعها

بس عندى ملاحظة
سمعت كتير ان الناس عاملة نقاشات حادة حول اغنية نزار القبانى دى
لانهم بيقولو ازاى يتكلم عن القدر وانه رجل بلا قدر ومعروف كويس ان القدر دا بإيد ربنا وموجود لازم

معلش مش بعرف ابعبر كويس

وحلوة اوى جملة اننا كالقمر لينا جانب مظلم
اشكر ياسمينا عليها

وتحياتى ليك وكل سنة وانت طيب

كل عام وانت بخير

عيد سعيد
ويجعلك ربي من عواده

اقسم بالله العظيم ما عارفه اقول ايه ..

كل شويه افتح المدونه وصفحه التعليق .. واسكت شويه .. واقفلها و اقوم

بقالك كام بوست

بتعبير بسيط

((مبهدلنا ))
بجد

--

مش حعرف اعلق .. بس عايزه اقتبس الجمله الى بدأت بيها البوست ده

"
عندما تتساوي امامك كل الخيارات
كلها

لا تقنع نفسك انك تعيش حاله من السلام النفسي
اعلم حينها انك علي الارجح تفقد مبادئك
ببطء......"

الجمله دي بجد اثــر

--

عايزه اعلق على حاجه تانيه ..

انت كاتب كده ..

"وداعا ابن الناظر .... وداعا بوجي ... وداعا طفولتي"

يمكن تكون كتبتها بعفويه ..

لكن بجد طفوله اى حد فينا اكبر من انها تضيع لاي سبب ... الطفوله ذكرى ومعاها احساس متجدد ... ((متجدد)) دافع عنه دايما تحت اي ظروف ..

تحياتى من دلوقتى لغايه بكره الصبح ..

كل سنه وانت طيب

ياسمينا:
:) ده وانتي علي الارض
ومش كل الناس بتبص من علي الارض
تختلف نسب الاظلام ولكن نتفق انها لا تختفي
تحياتي ياسمين

صرصاره:
وعليكمممممممممم السلام
:) لا دي كانت تعليق
جاهين كلامه مختصر قوي علي معناه وده اللي بيعجبني فيه

:)يعني معتقدش حد ممكن ينكر القدر
حتي اشد الناس كفرا
هو يقصد المستقبل

انتي قصدك النقد علي
قدر احمق الخطي
بتاعه عبد الحليم
ده تجديف ماشي
انما مش بنصطاد اخظاء هنا
:)عموما النقاد دول اصلا عالم فاضيه
:)لا بعبرتي كويس بس اختلاف الاراء لا يفسد .........

عيد سعيد مؤخرا
وهابي نيو ييير مقدما
تحياتي

ياسمين:
كل سنه وانتي بالف خير

فوكيره:
:) الشعب المزنوووووووووووووق
تخلصي امتحاناتك علي خير ان شاء الله يا مي

:) وانتي طيبه يا جميل

يمكن يا مي
بس غصب عننا بتضيع مننا جزء بجزء
بيفضل منها روحها وذكرياتها
ياريت بس نحافظ علي دول

تحياتي من هنا لبورسعيد