حصان بري

السلام عليكم
اخيرا عرفت اجي اكتب اول تعليق

اولا ازيك بقالى كتير ماعلقتش رغم انى كنت باجى اقرا البوست بتاعك
بس يا عم كلامك احلى من انى اعرف ارد عليه

ثانيا بقى
عاجبنى كل كلامك المره دى اوى
حاسه كانى انا اللى بكتبه او كان نفسى اكتب زيه بس مش عارفه
حاله الاكتآب دى عندى بس مش من المدونه
لا ....... من الدراسه صعبه اوى سنه خامسه دى وطلعه عينى


اغضب كلمه نفسى فيها اوى عايزه اصرخ وازعق واتجنن

مشكله فعلا ان عقلى يمشينى على طول
بس روحى مش لاقيه متنفس

انا كمان ان الحب ضعف بس بحاول جامد جدا انى اتجاوز هذا الشعور قبل ما يخنقنى

اغنيه كاظم دى انا بحبها جداتعتبر هى الوحيده اللى بحبها مع قولى احبك وواحده كمان بس مش فاكره اسمها ايه
:)
مبروك عليك الافراج وربنا يقويك على باقى السنين اللى جايه ويوفقك
وعقبالى يا رب

عارف بقالى كام يوم باجى مدونتك اقرا كلمتك عندك دماغ
اقول فى بالى لاء
فمحبتش اقرا او اعلق غير لما يكون فعلا فيا دماغ
وادينى جبت كرسى وجيت
وسمعت حضرتك
قصدى قريت فضفضتك

اولا
بالنسبة لحالة الاكتئاب اللى بين المدونين
فأنا عايزه افكرك بحاجه اكيد عارفها معظمنا عامل مدونته فضفضة
عارف ليه ؟فى الواقع مبقاش حد فاضى يسمع حد
هنا بقى محدش مجبر يسمعك يعنى اللى بيجى ويقرا بيكون فعلا عايز كده حتى لو مش يعرفك
اما بالنسبة للمجاملات ونظام التعليق
فوارد جدا
لان هنا انعكاس للواقع يعنى برده هتاقبل كل النفسيات

القاهرة بقى زحمه الليه يكون فى عونكوا بجد
ده المنصوره ساعه الذروه بتكون خنقه قوى اومال القاهره تبقى عاملةازاى؟

الناس بقت سلبية كل واحد مشغول بهمه ماشى بيفكر فى اللي يخصه
الله يكون فى عوننا بجد

صوره مصر عند العرب
فعلا مبقاش عندنا دم؟؟؟؟؟؟؟
غالبا الناس مش فارق معاها الموضوع ده كتير

الجواز
حاسه ان الناس هى اللى بتصعب الامور
ممكن تكون الحياه اسهل من كده بكتير

قصيده اغضب جميله جدا

الحياه بتمشينا بمزاجها
كل يا تؤكل هي دي القاعده هنا
انت جبت من الاخر
بس يفضل حقنا اللى المفروض نتمسك بيه ان اننا نفضل كويسين

هااااااااااااانت فات الكتير مش باقى الا القليل شد حيلك
الدراسه اى ان كانت فهى ممله جدا

فعلا انت داخل فى حضن الحياه
هتبتدى حياه جديده تماما
فاهلا بك فى مابعد التخرج
ربنا يوفقك

ختمت بمقولة جميله جدا وانا احبها جدا من يوم ان قرأتاها

رغايه انا قوى على فكره عارفه

خالص تحياتى

بجد شيء كلامك شيئ رائع شدني لدرجة انا نسيت انا دخلت هنا ازاي وله شفت اللينك فين ودخلت

فعلا الكلام فيه نبرة اسى وحزن ومش غريب على حال الكتير اللي بيبصو لقدام شوية وغيورين على وطنهم ونفسهم اللي اكيد انته واحد منهم واللي انا فخور ان لسه فيه ناس كتيره غيورة على مصر رغم كل الظلم اللي احنا فيه والبهدله اللي شربناها

وانا لو منك ولاقيت فرصه للسفر هسافر بجد بس لازم اللي سافر يرجع وراسه مرفوعه مش يروح بلاد تانية يتبهدل ويتذل هناك ويرجع كرامته مهانه

تحياتي ليك ولبوستك الاكتر من رائع

السلام عليكم
الواحد بيحتج كل فترة انه يفضفض عن نفسه شويه
ممكن يكون مه نفسه مثلا
وممكن يكون مع واحد بيحبه ويكون قريب ليه
والفضفضة ديه عجبتين بجد
لانها ممكن بتكون احيانا بتعبر عن ناس كتير عايشي زي الحالة ديه
ولكن اللي عجبني اكتر ان اروحنا كالطيور تنتقل من عش لعش
وعندما قت ان الحب ضعف وان هذا الضعف اضاع منك الكثير

إزيك يا جميل

جميلة أوى مجموعة المواضيع دى
وبجد كويس أوووى
إنك اتكلمت فى موضوع التدوين
من أجل التدوين ده

فعلا زى ما بتقول
بيحص ان حد يمتنع عن التعليق
عشان معلقتش عنده
مع انى لما بيحصل كده
معايا وبدخل عند حد واعلق
بيبقى مش شرط يعنى انه ييجى يعلق
جايز اوووى يكون موضوع مدونتى مش عاجبه
وجايز مش عارف يكتب ايه

بس فى النهاية شئ مضحك اوووى
اننا نفضل نلف ندور مين علق عندنا
ومين لأ
اما بقا حكاية قفل التعليق دى
بتضايق بصراحة
لأنى ساعات اكون حابة اسيب تعليق
والاقيه غير متاح

أما عن السلطه
فهى موجودة وكميات كمان
ههههههه

*******
الناس بقت سلبيه قوي قوي

مفيهاش نقاش يا جميل
صح جداً ما قلته

والقصيدة جميلة جداً

******

بوست جامد كالعادة
سلامى ليك
ونأسف للإطالة

تحياتى

أولا ازيك يامحمد عامل ايه
ثانيا .. انا مش كنت باجى واعلق
لأنى كنت عاوزة اقرا بزمة
مش بحب ابقى من نوعية جميل يافندم.. تعالى زور مدونتى
:)

ثالثا القصايد تحفة
يعنى جويدة ونزار مرة واحدة

شكرا جزيلا

رابعا

أرواحناا كالطيور تنتقل هربا من عش لآخر
باحثه عن لاشئ
وربما كانت باحثه عن كل شئ
لكنها أبدا لا تعود
وإن عادت
تعود مهيضه الجناح
فهى لم تعد ذات الطائر الذى غادر العش يوما

أرواحنا ستظل محلقة حتى ان وجدت لا شىء
لأنها ستظل تبحث علّها تجد شيئا.. هكذا البشر



نتعلم في المدرسة أو الجامعة الدروس ثم نواجه الامتحانات ..
أما في الحياة فإننا نواجه الامتحانات ثم نتعلم منها الدروس


ما الدنيا الا مدرسة كبيرة
والشاطر فيها اللى يتعلم من أخطاؤه مش ينجح فى الامتحان

تحياتى وعمق تقديرى

بندقه:
وعليكم السلام
معلش الباطنه طويله بس تابعيها من اول السنه وماتسيبيهاش للاخر زيي وهي هتبقي احلي
وخدي بالك ان اغلب شغلك في امتياز هيبقي من اللي فاكراه منها
شدي حيلك

اغضب قصيده حلوه وبتطلع اللي جوه كل عربي

يمكن يكون جمال الحب في ضعفنا امامه

:) علمني حبك اكيد

افراج ايه يا طيب القلب
كنت خلصت الباطنه بس
وامتحنت جراحه ورقه اولي التلات
وورقه تانيه السبت ان شاء الله
انا بس زوغت شويه وكتبت البوست
:) اه وبالمناسبه دي اخر سنه
تحياتي يا جميل ونورتيني

رحيل:
جميل انك قريتيها وانتي عندك دماغ
يمكن علشان كده بس لقيتيها حلوه:)
بصي يا ستي
اولا فعلا المجاملات بقت كتير جدا وده اللي خلاني اتكلم عن الموضوع

ثانيا: المنصوره دي تحفه اصلا وبحبها جدا فمقبلش اي كلام عليها:)

فعلا ودي حاجه الناس بقت بتربي ولادها عليها
عاوز اكل عيش بقت كلمه بايخه وبتتقال كتير قوي

لا بجد يا رحيل لو اتكلمتي مع اي عربي ويقول لك ان مصر عباره عن كباريهات وبنات ليل هتحسي انه بيتكلم عن بيتك انتي شخصيا

بالنسبه للجواز فعلا تعنت الناس في مسائل المهر والشبكه ليه دور
بس فعلا الحياه بقت صعبه علي اغلب المتخرجين قريب

فعلا ساعات فاروق جويده بيتكلم كانه ضمير امه

اكيد يا رحيل والصراع نفسه علشان تبقي احسن له لذه تانيه

لا خالص
هو البوست اللي طويل
نورتيني يا فندم

وايت هرت:
ده حظي الحلو مش اكتر
يمكن فيه اسي علشان كان بعد الباطنه:)
مصر فيها لسه ناس كتير بتخاف عليها بس المشكله هي الحياه اللي بتقيدهم
اهلهم بيعودوهم علي السلبيه من خوفهم عليهم
مش عارف واللهي يا صاحبي هسافر ولا لا
شكرا علي المرور ومجاملتك الرائعه

ابن مصر:
وعليكم السلام
فعلا كنت عاوز افضفض بجد واهي جت فيكم بقي

مش الضعف اللي اضاع مني
المكابره اللي اضاعت

نورتني يا صاحبي

الاميره دودو:
تمام يا جميل
اي خدعه:)

انا بصراحه بعلق علي اللي بيعجبني بس
او اللي بلاقي فيه عيب صغير من وجهه نظري بحب الفت نظر اللي بيكتب له
اه لا دول مش مشكله
ساعات بكتب حاجات اصلا عارف ان مايتعلقش عليها
هو بيني وبينك في الاول كان الواحد بيتأثر بالتعليقات وبيبقي نفسه يشيلها علشان متـأثرش فيه
بس فيه ناس من غير رايها مش بنعرف نكتب
:) عندك كول سلو؟

فعلا القصيده جميله
نزلتها كلها في مدونه الكتب

نورتيني يا دودو
وشكرا علي الاطاله:)
تحياتي

هدهد:
اولا انا بمب يا فندم
وحشتني خماسياتك:)
هعمل لفه سريعه دلوقتي

دي سارقها من ريمو بقي
نعم هكذا نحن وسنظل نبحث

من يتعلم من اخطائه سينجح في النهايه يا صديقتي
اهم حاجه مايخافش يكرر المحاوله

تحياتي يا هدهد
ونورتيني

دكتورنا الكبير جدا
ايه الكلام الجامد دا
حبة فضفضة بس فى الصميم

كلنا فعلا محتاجين نفضفض خاصة ان اغلب الحاجات اللى انت فضفضت فيها دى امور بتلمس كل واحد فينا

اولا موضوع التديون والمجاملات
فالاصل فى التدوين ان الواحد يدون عن نفسه ولنفسه وبعد كده يستنى مشاركات الناس اللى بتحبه نصيحة او حتى كلمة تشجيع
بس للاسف اللى انت بتقوله بقى واقع ومش عارفه علاجه ايه ودا من الاسباب اللى خلتنى طفشن من التدوين فترة كده

الزحمة وغلاء الاسعار وضيق زات اليد
حاجة تخنق اصلا كل ما الواحد يفكر فيها
طب الناس دلوقتى بتعمل كده عشان تتجوز اليومين دول وبالعافية الشاتب من دول بيعرف يفتح بيت
طب ولادنا ان شاء الله فى المستقبل هيعملوا ايه
زمان كان الناس تقول كافح واتعب عشان ولادك واللى بيتعببيلاقى
بس اصلا دلوقتى سوق العمل اتقفل بالشمع الاحمر
يمكن مدفعش الضرايب ولا حاجة
:D
طب هنشتغل فين ونتعب فين مش عارفة



قصيدة نزار روعة احيييييييك


البوست كله على بعضه تحفة
:)

سمك لبن تمر هندى طحينه
ههههههههه

فضفضة حلوة وطويلة
تعبتني الصراحة وانا بقراها
:)))

عجبني المقطع
أرواحناا كالطيور تنتقل هربا من عش لآخر
باحثه عن لاشئ
وربما كانت باحثه عن كل شئ
لكنها أبدا لا تعود
وإن عادت
تعود مهيضه الجناح
فهى لم تعد ذات الطائر الذى غادر العش يوما

لا احد يعود كما كان مع مرور الايام
للاسف

تحياتي

جميل قوى البوست بتاعك انك تعبر على كل حاجه انت زعلان منها ونفسك انها تتغير بالنسبه لحال البلد اللى انت تكلمت عنه كلنا كشباب نفسنا انها تتغير عندك حق هنفضل لحد امتى سلبيين احنا كسباب لازم بقى نحط ايدينا فى ايد بعضنا علشان نتغير ونغير البلد
حيجى امتى الوقت ده ؟؟؟ظ

تحياتى لك ولاء

موضوع ملفت ويستحق المتابعة
في انتظار المزيد من الموضوعات القوية
والفضفضات الهادفة
خالص تحياتي

!!!

لا مندهشة بجد البوست اقوى من انه يتقال عليه جامد .. ده جامد جدا ما شاء الله ووديتنى فى دنيا تانية كدة مش عارفة اسمها ايه .. بس جميلة

عايزة اقولك شكرا على المعانى اللى وصلتهلنا دى وربنا يعينك ويوفقك وينجحك ويكرمك ويصلح حالك ويفك كربك ويباركلك

اللهم آمين

بالنسبة لموضوع التدوين ده فعندك حق فيه جدا لانى ناقشت الموضوع ده مع مدونين كتير وفى منهم كتير بيقتنع وفى بردو اللى مبيقتنعش .. التدوين عبارة عن مساحة نخرج فيها اللى جوانا .. اكنى مثلا بدي تصريح لأي يحد يقرا دفتر مذكراتى .. مش بالضرورة يعلق عليه ومش بالضرورة انه لو معلقش عندى لازم معلقش عنده .. ليه نخلق عداوة مش موجودة اصلا

عايزة اقولك الحمد لله رب العالمين عندى صداقات كتيرة جدا من المدونين ومعظمهم بجد مبيعلقوش عندى .. ومش دايما بعلق عندهم .. ولما بنتكلم سوا اخر حاجة بنجيب سيرتها هى التعليقات

من الآخر حرية شخصية


استنى هنا قبل ماتجرى بالحصان بتاعك ده ..
oh God, Forgive me when I whine
بتدعبس فى الأرشيف كمااااااان .. كاميكاز بياخد ضريبة خد بالك

يلا انا حمشى بقا الدنيا اصلها برد اويييييي

سلااااااااااااام

حدوته:
ازيك يا توته؟ اهلا بالرومانسيه العائده:)
عندك حق فعلا
علاجه نفضفض لنفسنا زي ماقلنا
واللي مايفهمش يعني ايه كتابه هو الخسران:)

اه فعلا بالشمع الاحمر
هتفرج يا صاحبي:)

كلامك هو اللي تحفه وانا مش قده:)
نورتيني جدا يا جميل
سي يووو يا رومانسي

حماده باشا:
عندك حق يا صاحبي
بس السمك لذيذ قوي مع الطحينه
فاهمني طبعا:)
منور يا كبير

ياسمينا:
لا لا منقدرش نتعبك
هو نزار وجويده اللي كانوا رغايين مش انا:)

فعلا لا نعود كما كنا يا ياسمين
كم نفتقد ماكنا عليه

نورتيني يا ياسمين بجد
تحياتي

ولاء:
منوره المدونه يا فندم
اول مره؟

فعلا امتي هيجي اليوم
يمكن لازم نتغير كلنا الاول
يمكن لما نوصل للقاع نفوق ونحاول نطلع فوق
:)مع ملاحظه اننا في القاع اصلا

تحياتي ونورتيني

ياسر حسين:
اشكرك علي رايك
نورتني يا باشا
وارجو الا تكون اخر زياره

انسانه:
اااااااااااااااامين
:) شكرا علي الدعوه الحلوه دي

يمكن اخر ناس بعلق عندهم فعلا اصحابي لاني بقولهم رايي بره التعليقات
بس هو الفكره ان فيه ناس شالت التعليقات
وناس بتبص للتعليقات علي انها كشف بالنجاح
وناس بتعتبر التعليقات بوابه مجامله
اكلاشيه :جميل وألي الامام

يمكن لسه ماتعودناش نستخدم كتابتنا صح

اااااااه اتكشفت:)
طيب نتصالح زي الحراميه الكبار وادفع ضرايب الشهر ده بس
الاغنيه جميله وصوت ابو خاطر تحفه

نورتيني
يا ياسمين