حدث وسيحدث
4 years ago
Sunday 30 December 2007
صوره وسؤال
ده مصور ياباني كان بيصور مظاهرات في ميانمارفي سبتمبر الماضي
المهم هنا مش انه ياباني
ولا مظاهرات المعارضه في ميانمار- اللي معرفش دي فين اصلا
الاهميه هنا ان الراجل ده اخد كام رصاصه
وهو بيموت
تعرف اخر حاجه عملها ايه؟
رفع الكاميرا واخد صوره
صوره اخيره
لناس بتهرب
وعصايه كهربا
الراجل ده كان عنده هدف فكر فيه لاخر لحظه في حياته
ياتري انت عندك ؟
.....................................................................
الصوره دي مش محتاجه تعليقبزمتكم
الناس دي بتتخانق علي ايه وحياتهم وبلدهم علي كف عفريت؟
وهل اسرئيل مفيهاش احزاب وتيارات فكريه متضاربه وبشده؟
ام هو غباء فطري في شعب قبلي بالفطره؟
غباء لا اجده بعيدا عن شعوبنا العربيه
كلها
.............................................................
اغتيال بناذير بوتو الخميس الماضيالشعب ضد الجيش
مئات القتلي في 3 ايام
وثوره عارمه
وتصدي قاسي من جيش لا يعلم انه يقتل ابنائه واخوانه
باكستان تنهار
او تستيقظ
السوال هو:
هل سيتكرر السيناريو في بلد يحكمها قائد عام للقوات المسلحه؟
قائد لا عذر له
اذا كان يعلم ما يحدث ببلده فهي مصيبه
واذا كان لا يعلم فهي كارثه
نعم انها مصر
وانه مبارك
...............................................................................................
الراجل دهصريح ماشي
وقح ماشي
انما غبي لا
طالع من السجن يشتم في الكل من تاني
طبعا مع شويه محلسه للريس
ياتري وحشك السجن؟
ولا المره دي عارف انت بتعمل ايه؟
..............................................................
وفي الاخر مش صوره
بس شعر
اذا كنت ذا رأي فكن ذا عزيمة ...... فإن فساد الرأي ان تترددا
يمكن البيت ده مش عبقري في حد ذاته
لكن من اكبر عيوبنا اننا دايما بنلعب في المضمون
دايما بنختار اسهل الاختيارات
ويا سلام بقي لو قدرنا نهرب من الاختيار خالص
حتي لو عارفين فين الاختيار الصح
بنهرب من التجارب الجديده
بنهرب من المخاطره
بنهرب من طعم الحياه
نصيحه:
اختار
Subscribe to:
Post Comments (Atom)
15 comments:
السلام عليكم ورحمة الله وبركاته
..........................
دكتور محمد وحشنى يا باشا والله كل سنة وانت طيب وعام جديد سعيد عليك
........
بوست جامد بجد
الصورة الاولى ..الهدف ... فعلا مينفعش تتسمى غير كده
الصورة التانية : لا حول ولا قوة الا بالله مين ضد مين ومين مع مين ؟ والبلد لو اصلا فيه بلد بقت كام جزء ... كله عايز يسيطر وكله هو الصح ربنا يهدى الجميع ويبصوا للقضية الاهم
طبقوها الشياطين صح (فرق تسد ) اللهم ما جمع شملهم يا رب
التالتة : الله يرحمها بوتو ويرحم ابوها ....
..
مظنش ان السيناريو يبقى كده صحبك عاقل شوية عن دول واصلا مفيش حد معارض هنا زى المرحومة بوتو يا باشا كلها لعبة والى انت شيفه ضد باليمين بياخد بأيده الشمال من ورا ضهره وانت مش شايفه. لعبة والى بيطلع حسه من الاول بيتخرس قبل ما يكبر .....انما الى انت شيفهم هما كومبارس علشان المسرحية تكمل
الله يرحم الجميع :(
..........
مرتضى مجنون ماشى جعجاع ماشى برضه صوته عالى على الفاضى والمليان برضه ماشى أتسجن فى سجن 5 نجوم برضه ماشى ...بس خد بالك هو من القلايل الى بيلعبو صح والى فاهمين اللعبة صح ...واستنى مرتضى قريب بس مش جوه السجن لا جوه الكرسى :) وابقى قول المصرى قال :)
اذا كنت ذا رأي فكن ذا عزيمة ...... فإن فساد الرأي ان تترددا
جميل :)
اول مرة اطول فى تعليق كده انما فعلا البوست جميل يا دكتره
ومرة تانية كل سنة وانت طيب
تحياتى
اولا كل سنه وانت طيب
مع انك مش بتسال خالص
اللى عمله الراجل المصور ده هو الفرق اللى بين العرب والغرب
هم عندهم هدف وبيسعو اليه عشان كده ربنا بيوفقهم حتى لو على باطل
مش ساكتين ومستنين الفرج
اسرائيل لما سمحت لشعب فلسطين انه يعمل انتخابات ويفوز بيها حماس ولا غيرهم كانت عارفه ومتاكده ان ده هيحصل
وقالت اسيبهم يقتلوا فى بعض بدل ما بيتسلوا على جنودى
الله يرحمها بقى بنازير بوتو رجعت بلدها لقضاها
الراجل ولا كنت اعرفه غير لما قرات التعليق اللى قبلى
اصلى ماليش فى الكوره
:)
فعلا العزيمه يمكن تكون اهم من الراى كمان
لانك يمكن تخطئ فى رايك بس لازم تعمل الغلط عشان تتعلم منه
ايه يا عم انت دايما بوستاتك بتخلى الواحد يفكر كده
بوست جميل بالتوفيق
عامل ايه فى الامتحانات؟؟
يوسف المصري:
وعليكم السلام يا صاحبي
:) واللهي ياعم بجد وحشني طحن يعني:)
وانت طيب ياباشا
واللهي يابني اللي يزعل انه سيناريو اتكرر في فلسطين وافغانستان والعراق ومصر
وبكل هبل بنتخانق مع اهلنا علشان كرسي تحت رجل الناس دي
الغباء القاتل
علي رايك البلد دي مافيهاش زي بوتو
ستات
ولا رجاله
:)مش بعيد ياعم الواحد شاف معجزات
بس البلد دي مابتحبش اللي بيتكلم كتير
وبالذات لو كان مجنون شهره زي المعلم ده
فبالتالي محدش يضمنه
الناس الكبيره عاوزه حد صوته واطي ومايعلاش غير بالريموت
وعموما بكره نشوف:)
شكرا يا صاحبي ونورتني
بندقه:
اولا كل سنه وانتي طيبه
مفيش مود الف واللهي مش عارف ليه
انتي الكبيره برضه:)
فعلا تلاقي الواحد منهم بيحارب علشان صوره
علشان برنامج
علشان فكره
واحنا بنستهلك
نضحك ونبكي وننام
والشسيعه والسنه في العراق
والعرب والاكراد هناك
والمسلمين والمسيحين في مصر
وطالبان والمعارضه في افغانستان
وبوتو ومشرف في باكستان
والشمال والجنوب في السودان
المعارضه من حق البلاد القويه فقط
انما بلد ضعيفه وناس تتخانق علي فرافيت
ده اسمه تخلف
قضاها؟
يمكن:)
مرتضي منصور
ده مش كوره بس
ده مبيعتقش :)
كوره سياسه اقتصاد قانون
عموما اي خدمه
لما تشوفيه علي التلفزيون بقي ابقي خليه واضحكي شويه
فعلا العزيمه يمكن تكون اهم من الراى كمان
ساعات كتير جدا
:)ده علشان اشوف التعليقات الحلوه بس
الحمد لله
هاااااااااانت
عقبالك
نورتيني وسلام
السلاااام عليكممم
بيت الشعر اللى ختمت بيه دا معناه رائع بجد
المهم دايما اننا نختار كل اللى ربنا يرضى عنه لانه بالتالى ربنا هيوفقنا لكل اللى يرضيه واكيد بإذن الله هيكون خير
وكل سنة وحضرتك طيب
__??_??
_??___??
_??___??_________????
_??___??_______??___???? H
_??__??_______?___??___??
__??__?______?__??__???__?? A
___??__?____?__??_____??__?_____
____??_??__??_??________??
____??___??__??
___?___________? P
__?_____________?
_?____?_____?____? P
_?____/___@__\\___?
_?____\\__/?\\__/___? Y
___?_____W_____?
_____??_____??
_______????? NEW
YEAR 2008
كل سنة وانت طيب يا محمد ويارب السنة الجاية تبقى أحلىسنة ليك
البوست تحفة يا محمد وانا مش باقول الكلمة دى لأى حد يعنى .. بجد تحفة فعلا واختيار الصور رائع فعلا وخصوصا الصورة الأولى والهدف الواضح للمصور
فعلا كلنا بينقصنا الهدف اللى نحارب عشانه بكل مرتخص وغال
كل سنة وانت طيب مرة تانية يا دكتور وان شاء الله اشوفك قريب
البوست رائع
مش لكل حاجة ولكن للصورة الاولانية اللي فعلا تدل اد ايه احنا معندناش هدف ومش غريبة على انسان ياباني لو كان مصري اكيد كان هيصور اللي قتله علشان يعرفوا
اما الصور التانية
فبلد في الضياع مش جديده كريكاتير يدل على اننا ناس تافهين برضو مش جديده الراجل اللي انا معرفوش اللي انته بتقول طالع من السجن فهوه شكله يدي على وش سجون اؤيدك في انه اشتاق يرجع السجن تاني
اما بيت الشعر ففعلا رائع
تحياتي لحضرتك
كل سنه و انت طيب عام سعيد
بوست دسم اوي و جميل اوي اوي
صرصاره:
وعليكمممم السلام
طبعا مقصدش انك تختار حرام وتقول بجرب
:)حلو الارنوب ده
وانتي طيبه يا صرصاره
اشرف:
وانت طيب يا باشا
سمعت عن جوايز ومراكز وحاجات كده:)
الف مبروك يا عم اشرف
تستاهل بجد يا صاحبي
فعلا يا اشرف كتير مننا مش محدد هدفه بشكل ثابت
او محدده بس مش عارف ممكن يحارب علشانه لغايه فين
وانت طيب كمان مره يا باشا:)
سنه احلي عليك ان شاء الله
ربنا يسهل قريب باذن الله
نورتني يا عمنا
وايت هيرت:
:)مبدئيا شكرا علي المتابعه
واللهي هي مش مشكله جنسيه
القضيه انهم هناك بيحبوا شغلهم بجد
بيلاقوا فيه متعه
لانهم بيلاقوا انتاج عليهم وعلي بلدهم
عندنا يمكن موجه احباط من حال البلد بتفقد اغلب الناس المتعه في اللي بيحققوه
وده مش في الشغل بس يمكن في اي حاجه
:)اه مرتضي منصور
ياراجل حد ميعرفش بق باشا
رئيس نادي الزمالك السابق
رئيس محكمه سابقا -النقض تقريبا-
عضو مجلس الشعب السابق
نزيل اللومان السابق برضه
احد اعضاء فريق عمل كارتون سابق ولاحق تقريبا:)
بس ادي اخره اللي يزعل ماما مصر منه:)
نورت ياباشا
ايمي:
عراق؟:)
يا مرحب
عام سعيد عليكي يارب وشكرا علي وجودك
بص يا محمد الصور وحتى بيت الشعر بيعبر عن حاجه واحده ..تحكيم العقل والاختيار
الصورة الاولى هى قمة التفانى والاخلاص وحب العمل
ده عنده رساله وبيأديها
حتى ولو هو بيموت
كلام مكرر بس ده للتعلم
واظننى اتعلمت ده
بص يا محمد
السياسة دلوقت بقت شئ عقيم مجروح فى كل مكان
باكستان حالها احسن من حلنا بكتير
الناس هناك بتحاول او خرجت بره دايرة الخوف
لكن احنا يا محمد؟
احنا جوه الخوف
لا
احنا الخوف نفسه
فاهم؟
اة صحيح
بينظير بوتو بتتكتب بالظاء يا فيلسوف
:D
ممممممم
الراجل ده يا سيدى عمره مكان غبى
بس ياترى الراجل ده بيجرى ورا ايه؟
او عاوز ايه بالضبط؟
تفتكر كل ده علشان الزمالك
والله شكله جاسوس من الاهلى
:p
والحدق يفهم
تحياتى يا اخى الصغير
فعلا دائما الاسهل ان لا نختار
صور معبرة وصحيح ان كل واحد منها بموضوع ولكن المفهوم واضح
يا ريت لو كل واحد منا يقف مع نفسه وقفه ويحاول استخراج اتلافضل منها
ويكون لنفسه هدف
شيماء:
مرحب صديقتي العجوزه:)
فعلا كلها طرق للحياه
ماعدا مرتضي باشا حتي اشعار اخر
:)اصلا مكنتش ناوي اوحد الموضوع هي جت كده:)
الفرس طول عمرهم اقوياء سواء مع الحق او الباطل
انما احنا
"استخف قومه فاطاعوه"
صدق الله العظيم
احنا دول يا شيماء
بتنمي نتغير
الفلسفه هتشتغل:)
هو tony
بيتنطق توني ولا طوني؟
الحروف العربي موسعاها عليكي في نطق الاسماء الغير عربيه
ثم يعني عديها بلاش فضايح:)
اعوذ بالله من النقاد:)
:) اه صحيح الهانم زملكاويه
يابنتي بقي ده نادي اصلا :)
ربنا يتوب عليكم بقي:)
منوراني دايما يا جميل
ياسمينا:
فعلا الواحد محتاج كل فتره يقف ويختار هدفه كانه اول مره
يرسمه من جديد ويحدد اطاره
لانه بجد ساعات كتير بيضيع مننا في زحمه الحياه
نورتيني
تحياتي ياسمينا
Post a Comment