حدث وسيحدث
4 years ago
Monday 26 February 2007
Thursday 22 February 2007
افلاطونيات
.......جلسا يفصل بينهم الهواء والخجل
كان ينظر لها فيحمر وجهها وتضع عيناها في الارض
فكيف يقول لها احبك؟
........صدق الكلام صعب النطق
........فلا تزيديه صعوبه بخجلك
يريد ان يعبر الهواء اليها
........................................وما اسمكه من جدار
اليوم اخذ نفسا عميقا
سحب الهواء من بينهم
احبك, قالها
..........فاجابت بعينيها وابتسامه
خجوله لكنه كذلك
يحبهااااااااااااااااااااااااااااااااااااااااااااااااااااااااااااا
Thursday 15 February 2007
حادثه
كانت الساعه قد تعدت الرابعه صباحا ببضع دقائق
كان يقاوم نعاسا يحاول ان يغلق عينيه دون ان يمس عقله
انزل الزجاج وترك الهواء البارد يعبث بشعره وينقي ذهنه
كان السائق يتحدث الي زبون اوقعه الحظ السيء بجواره في اخر الليل: تعرف دول مسكوا الواد اللي ضرب الضابط عند الركن
اه ماهو الضباط دول ولاد ..... وطالعين فيها ع الفاضي , تلاقيه طول لسانه ع الواد والوادماستحملش-
لا ياعم ده طار قديم , الضابط ده قتل اخو الواد-
ياراجل-
ايوه ماتفهمش كان في حمله ولا ايه وضرب اخو الواد لغايه م مات-
:وهنا تدخل الرجل في الكرسي الخلفي
ايوه ده حتي كان فيه ضابط تاني معاه والركن كان مليان والواد داخل قاصد ياخد طاره-
وتداخلت الاصوات بين مؤيد ولاعن
نظر للظلام الجاثم علي الافق واغمض عينيه امام الهواء
لايدري سبب الشجن الذي يحس به اليوم
ليس حزن ولكنه ميل للوحده والتفكير
فليكف فقط كل هؤلاء عن الحديث وليعيشوا لحظه صمت
كان من الواضح انهم يخشون الصمت او يخشون النوم او يخشون البرد او يخشون السفر في الظلام
فكلما اغلق باب الحديث فتحه احدهم
لم ينقضي عليهم ربع ساعه معا وانهمك كل اتنين او ثلاثه في حديث كانهم اصدقاء منذ زمن
ثلاثه من الشباب قد وحدهم الحديث عن المستقبل
واثنان من ذوي الجلابيب قد انهمكا في حديث
وبينهما رجل يرتدي بذله وقد ضاق بهم ذرعا
يمكن انه لهذه البساطه وهذه الطيبه الظاهره يحب هذا الشعب
شعب عشري زي مابيقولوا
التقطه الساثق: بتدخن يا بيه؟
لا والله شكرا ياسطي-
كان من الواضح انه سيبدا حديثا لا ينتهي
التقطت عيناه السياره التي امامهم وقدانفجر اطارها فانحرفت عن الطريق بسرعه جنونيه وعبرت الرصيف الفاصل الي الاتجاه المعاكس
ثم زحفت عليه قليلا وصعدت الرصيف الجانبي متجهه نجو الحائط ولكن كتب الله لهم النجاه فعمل الاطار المنفجر كفرامل استدارت حول الاطار المعدني للعجله فقلل السرعه حتي توقفت السياره علي بعد سنتيمترات من الحائط
توقف السائق ونزل ليري مايحدث وتبعه الفلاحان ثم الشباب ثم الرجل في المقعد الخلفي ثم صاحبنا
نظر الرجل الذي يرتدي بدله في ساعه يده
وتأفف ثم نزل
كان سائق السياره الاخري هو اكثر المتضررين فيبدو انه قد ارتطم صدره بعجله القياده
ولكنه كان يسير علي قدميه فدار حول السياره بقلق ليتفحص اضرارها
كان من الواضح انه قلق علي راس ماله الذي لا يملك غيره
فاطمان صاحبنا انه لا يعاني من كسرفي الضلوع او نزيف داخلي ثم تركه لقلقه
كان الركاب قد استدارو حول السياره ليرفعوها ليعيدوها لمجري الطريق
فاستدار صاحبنا للمساعده
نظر لصاحب البذله فوجده ينظر في ساعه يده
ثم الي المكان الفارغ بين الفلاحان
ثم شمر عن ساعديه وتقدم للمساعده
انزلوا السياره ثم تصادف مرور عربه نصف نقل فتحدث معها السائقان لتقوم بسحب السياره الي البلده
وقف سائقنا قليلا ليشاهد عمليه السحب
يلا ياسطي-
كان الركاب قد رجعوا الي السياره واستقروا بها
حاضر يا جماعه الدنيا مش هتطير-
انطلقت السياره وانطلق صاحبنا مره اخري مع افكاره
ولكنه لم ينس ان يستدير براسه لينظر الي مقعد الفلاحين ليري صاحب البذله وقد وضع يده علي كتف احد الفلاحين وهما يستمعان الي موقف مشابه لموقف الحادثه من الفلاح الاخر
استدار مره اخري الي النافذه وابتسم
Saturday 10 February 2007
كان انا
عديت علي بيت قديم
وشارع قديم
..............
شفت بعيوني وحدي
اطفال
...............
جايبين ورق ونشا بيعملوا زينه رمضان
بينهم ولد ملامحه تشبهلي
..............
نازل في جلابيه بيضا يصلي الجمعه هيرجع بيها تراب
بينادي علي صاحبه هات الكوره وانزل
باصي يالؤي
اقفل الزاويه يا كريم
شوط يابني ادم.
..............
استغمايه
وسبعاويه
وكهربا
.....................................
كبر الولد شويه
واقف في الفصل قدام مستني تصويت رئيس الفصل
نجح
بص لبت بعيون خضرا وضفيره شقرا وابتسم
..................
رجع الشارع لقي كوره بتجري
حط الشنطه ع الرصيف
يا لؤي باصي
رجع لبتهم اتغدي واخد قصص ونزل لعم سمير بدلهم بقصص تانيه
القصه تتبدل ببريزه
والنص جنيه يبدل 5 قصص
.....................................
كبر كمان
واختفت العيون الخضرا مع ابوها في الخليج
..................
الاستاذ بيشرح قاعده if
للمره المليون
حاطط ملف المستقبل تحت الديسك وبيقرا
دخل المدير
فين المندوب الثقافي ؟
رمي القصه تحت الديسك وطلع
مسابقه تاني
وطلع التاني
بص للفريق الاول
داق طعم الخساره
وحزن
.....................................
كبر كمان
قاعد في درس الكيميا ضهره للحيط وعينه عكس اتجاه المدرس
دي ملاك......... ملاك يا ناس....... وليها ع القلوب تاثير.......... وليها تأثير
يا محمد ركز
يا هبه ركزي
..
امتحان
ويمكن الدرس الوحيد اللي كان بيروح مذاكر
.....................................
كبر كمان
داخل سكشن التشريح متأخر زي عادته
البالطو علي كتفه
الدكتور بيقول ميعاد تسليم كراسه العملي المره الجايه
العالم دي فاضيه
..................
نازل من سلم المدرجات
شافها بتلف ناحيته وبتضحك
هي دي
لا مش هي
.......................................
Friday 9 February 2007
فلسفه الطناش
فلسفه جميله ببرائه اختراع عربي
اعمل نفسك مش واخد بالك ف مش هتحس بألم
مش عاجبك صوره طفل عراقي متشال علي ايد شاب والاتنين غرقانين في الدم
طنش مادام لسه دور مصر في قايمه امريكا ماجاش
مش عاجبك صوره طفل فلسطيني ماسك طوبه وقصاده دبابه
طنش مادام الدبابات الاسرائيليه لسه ماعدتش الحدود
مش عاجبك اللي بيحصل بين الفصائل الفلسطينيه
طنش مادام لسه الاحزاب المعارضه ماعندهاش سلاح
مش عاجبك صوره عجوزه بتدور علي لقمه عيش في زباله
طنش مادام مرتبك بيكفيك بالعافيه
مش عاجبك الهياج الجنسي اللي بقي في الشارع
طنش مادام مانتش بنت خايفه علي نفسها
مش عاجبك الحال اللي وصل له التعليم في مصر
طنش مادام كده كده مش هتشتغل بشهادتك
مش عاجبك مصر علي بعضها
طنش مادام حلم السفر موجود
خلص الكلام واذا ماعجبكش
طنش............
Subscribe to:
Posts (Atom)
