حصان بري

اخرج من مدينتك المغلقه
ابحث عني في صحراء
في بحيره هادئه
في يوم ممطر
في ابتسامه القمر
في مجموعه نجميه
رائع بجد والفكرة العامة جميلة جدا
فعلا ظلمناه
الاغنيه رقيقة وتحفه بجد
شكرا أيها الحصان البرى
وشكرا على زيارتك وان شاء الله ننتظرك دائما

ضيعناه لما بقينا ماديين

وبقينا تافهين وظالمين

بس لسه فى قلوب

جواها الحب وساكنها الخير

لو دورنا هنلاقى

قلوب لسه محافظة على براءة الاطفال

وفطرة البداية

لما نلاقى نفسنا صح هنلاقيه

بوست حلو يا دكتور
بس انا بقى عاوزة اضم صوتى لصوتك واسال الحب
هواليه تقلان علينا
ليه مبقاش فيه حب بجد؟؟؟


حسة ان كل الموازين اتلخبطت


:)
تحياتى

dark:
شكرا علي الكلام الحلو
هي الفكره اني كنت عاوز اعمل بوست عن الحب اللي ضاع بسبب اننا معدناش بنحب ببساطه
واحد بيضيع حبه بسبب غروره او بسبب نقص فيه
:) لقيت البوست طلع كده

مدونتك جميله ومش محتاجه توصيه
تحياتي

wild blue bird:)
ازيك يا هبه؟
صح جدا
لخصتي الفكره
المهم فعلا نحب ببساطه
من غير عقد
ومن غير دراسه جدوي
نحب ببراءه الاطفال زي ماقلتي

منوراني يا جميل

حدوته:
مها هانم اللي بتهدي النفوس :)
اولا مش هننادي بعض دكتور واستاذه
اعتقد بقينا اصحاب
علي الاقل من ناحيتي .... مش عارف نظامك ايه ؟ :)

ماحنا قلنا
الغلط فينا
بصي حواليكي
واحد بيحب واحده حتي النخاع
وعلشان يرضي احساس بالنقص بيدور علي غيرها تحبه لمجرد ان يبقي حواليه عدد

وواحده تجري ورا واحد بجميع الطرق
ووقت مايقع في شباكها تمل منه

انا مش بتنصل من حاجات زي كده لانها موجوده فينا كلنا بدرجات متفاوته

الموازين ماتلخبطتش
احنا اللي فهمنا الحب غلط
فضاع مننا
ميزانا الفطري اللي كنا بنشوف بيه الحب هو اللي اختل
محتاجين نقعد مع نفسنا شويه ونحاسبها

:) تحياتي يا جميل ومنوراني

السلااااام عليكمممممم

ايييييييه الجمااااال دا بجدددد
ماشاء الله عليك..كدا لما يكون فى حد زعلان ويسمع الكلمتين دول لازم يرجع تانى..بالظبط زى صديقنا هنا اللى فعلا اختفى فى ظروف ليست غامضة وكلنا عارفين الاسباب اللى انت كتبت عن بعض منها.. لانه للاسف فى كتير

كلمات بجد اكتر من رائعة وبالمناسبة صورة مجموعة الخيل دى جميل اوييي ماشاء الله

سعيدة انى اتعرفت على مدونتك وان شاء الله مش اخر زيارة
وشرفنى مرورك عندى
تحياتى ليك

انا مبقيتش عارفة اعلق ...اكثر من راااااااائع

يكفي اني كنت مستنية اقرا في الاخر اسم نزار او امل دنقل واعتبر ان دي قصيدة مقريتهاش ليهم

صرصاره:
وعليكمممم السلاااااام
حمد الله علي السلامه
اشكرك ونورتي مدونتي المتواضعه

لميا:
دايما رافعه معدنياتي
:)نزار وامل دنقل مره واحده
شكرا يا جميل علي الزياره

تعرف بجد

الأيام دي كنت بفكر فنفس الكلام الي انت بتقولو ده

هو ليه زمان كان في حاجه اسمها حب وفأيامنا دي مبقاش في

ايه الفرق بينا وبين الي سبقونا

وليه ديما القصص الجميلة الي بنسمعها وتجمع بين اتنين في الآخر تنتهي بألم ودموع

ليه كل حاجه بقت زي مسرحية الكل عارف انو ممثل فيها وبردو مُصر يكملها للآخر يضحك على نفسو و على غيرو

مبقناش نحب بقينا نمثل الحب

بقا الحب عملية حسابيه فعلا

فين كلام زمان لما يعرف الواحد انو خلاص لقا توأم الروح زي مبيقولو

احنه بقينا تايهين

العيب فين؟ مش عارفه الموضوع بردو لازمو تفكيرأكثر :)

البوست جميل جدا

تسلم ايدك عليه

تحيتي لك

ريانه:
:)انتي جبتي من اول الخط كده

بقينا بنحب بعقلنا مش بقلبنا زي زمان يا ريانه
بنحسبها
امتي اقول بحبك
امتي اتكلم
امتي اسكت
امتي اتحرك وامتي اقف
ده ثمن المدنيه
بقينا عمليين حتي في الحب

تؤام الروح
:) فعلا ماسمعتش الكلمه دي من زمان

قلتي كلام كتير كنت عاوز اقوله
تحياتي :)

و أدخل مملكتى طائرا فلا يسير لدى البشر

روعه
كلام اجمل من انى اتكلم بعد قرايته