حصان بري

أول المعقبين!

في الحقيقة جميلة طريقة عرضك للفكرة أقصد طرحك للأسئلة ثم محاولة الاجابة عنها..

بهذا تركز على النقط الريسية التي يهدف الموضوع لإثارتها

أتفق معك في التعريف الذي قدمته للسذاجة

وأقتبس..
ومن ناحيه اخري:
هل شعرت يوما انك تتغير للاسوأ؟
هل نظرت يوما في المراه فرايت صوره نسخت منك؟
نسخه تخلو من براءه طفل كنته يوما؟
نسخه كونتها الحياه العمليه
بجروحها وتجاربها؟
هي ليست لك
فمن اين جاءت؟

كلماتك في الصميم..ورائعة فعلا..
أعتقد أن الكثريرين يجدون صورة الشخص الذي يطل عليهم من مرآتهم غريبة..صورة بعيدة عنهم..لا يعلمون كيف وصلوا إليها بالأساس!

لكن هذه هي الدنيا..حتى إن كنت ساذجا بداية فالتجارب ستجعلك تتجاوز هذه الصفة..ربما ستحتفظ بطيبتك..ربما لا..ربما ستظل هناك علامات ولو طفيفة للبراءة التي كانت يوما بملامحك..وربما لا!

ومن الجميل أن نتعلم الاستماع لوجهات نظر كثيرة..متضاربة..الاستماع لطرف واحد ووجهة نظر واحدة دائما ما يجعلنا نعتقد أنها وجهة النظر التي تمثل الحق

وتدري برأيي حتى الحق نسبي..الحق بنظري ليس هو الحق بنظرك ليس هو الحق بنظر غيرنا

سانهي كلامي لأني بدأت "أتفلسف"

أعتذر على الاطالة!

فكرة جميلة وأسلوب مميز في تناولها

تحيتي لك

والله صدقت يا محمد

أرفع لك القبعة للنصيجة اللى ربنا بعتها ليا من خلالك فعلا ربنا يكرمك

ريانه :
اهلا مره تانيه
منوراني دايما يارب

لكن هذه هي الدنيا..حتى إن كنت ساذجا بداية فالتجارب ستجعلك تتجاوز هذه الصفة..ربما ستحتفظ بطيبتك..ربما لا..ربما ستظل هناك علامات ولو طفيفة للبراءة التي كانت يوما بملامحك..وربما لا!

:) جميل انك فهمتيني بالشكل ده
يمكن الجمله دي تلخص اغلب البوست فعلا

اما :
وتدري برأيي حتى الحق نسبي..الحق بنظري ليس هو الحق بنظرك ليس هو الحق بنظر غيرنا

هناك امور يكون فيها الحق نسبي
وهناك امور يكون فيها الحق واضح كالشمس
والمجموعه الاولي هي امور مشتبهات
وليست بالكثير صدقيني
مثلا مارايك في هجمات بن لادن علي المدنيين بامريكا؟
اهي حق ام باطل؟
هي باطل ويضعها الكثيرون في الامور الوسطي
هو محاوله منا لتسييس الامور ليس الا

انا اللي شكلي هتفلسف :)
وبجد اسعدني انك داخله تتناقشي مش تقولي كلمه حلوه وخلاص :)

تحياااااااااتي لكي يا ريانه

مجهول الهويه:
يمكنني ان اصادق انسان يتخبط لا يدري اين الله ؟ فمن يدري ماذا يخبيء الغد

ولكن ليس من يمجد الشيطان

اعذرني سامسح التعليق وانسخه هنا
فلا مجد للشيطان لدي
وسارد عليه
وارجو ان تشرفني بمجرد تغيير اسمك

الصديق المحترم حصان برى
فعلا كل اللى ذكرته سليم وعرض رائع للافكار حاسيت بكل حرف من البوست وكان حلقى يعتريه مراره
سقوط الصروح والامثله0000
اكتشاف الوهم طويل المده0000
الموقف الازلى
حزن كبير على وقت طويل كنت مخدوع فيه بوهم
تحياتى
بوست فوق من رائع
ولا يوفيه تعليقى حق


نعم فكثيرا ما انهارت صروحا كانت كالجبال في عقولنا
واشخاص نكن لهم كل الاحترام لينهاروا في لحظه
ولكننا نخطيء لنتعلم لنختار طريقنا

مجامله اكثر من رائعه لم اتمني ان يكون هذا ردها مني ولكني لم اتحمل تمجيد الشيطان تحت يدي ....فاعذرني علي التصرف الخشن

sharm:
اهلاااان
شكرا لتشريفك يا بوحميد وشكرا علي التعليق
بجد اسعدني

dark:
بجد شيء يسعدني جدا فقط ان تعني كلمه مني شيء حقيقي لمن يقرأها
لا ان تكون رساله اليه
وشكرا علي الدعوه الجميله

كان هذا هو ردي

مجهول الهويه:
يمكنني ان اصادق انسان يتخبط لا يدري اين الله ؟ فمن يدري ماذا يخبيء الغد

ولكن ليس من يمجد الشيطان

اعذرني سامسح التعليق وانسخه هنا
فلا مجد للشيطان لدي
وسارد عليه
وارجو ان تشرفني بمجرد تغيير اسمك

لست اري في هذا التعليق سوي رفض لتمجيد الشيطان عندي في المدونه
لم احكم عليك وحاشا لله فليس احدنا ملاك
ولكن حكمت علي تعليق يمجد الشيطان
وهو ما ارفضه
سواء كان اقتباس او فكره شخصيه
فالشيطان في وجهه نظري واعتقد انها صحيحه هو صاحب اكبر معصيه وقد خرج من رحمه الله
اما اي انسان مهما بلغ به الشر فلن يبلغ خطيئه الشيطان ولست انا من يحكم باخراجه من الرحمه الالهيه

تقول اني رميتك بكل نقيصه
اعذرني اذا ظهر عندك اكثر من ردي فهو ما قلته وهو الواضح امام الجميع
وسامسح التعليق مره اخري

بجد بجد مواضيعك بقت تحفة يامحمد
والمهم انها بتكشف جوانا ايه وبتخلينا نتعرى قدام نفسنا ونشوف حقيقتها
..................ززز
مرة واحد قالى المهم تعرف امتى تضحى بنفسك وامتى تضحى بغيرك
يمكن قاسية شوية الجملة او فيها بعض الانانية بس الأنانية لو جت عشان مش تخلى حد يضحك عليا او يستغلنى يبقى أهلا بيها
لأن أغلب الناس دلوقتى بتستغل الطيبة غلط
......................
احنا لو نعرف نقدر اللى قدامنا ونبص على الجوانب اللى بيحاول يخبيها هنعرف نتعامل مع كل حد باللى يستحقه

.
.
.
الموضوع محتاج نقاش وكلام اكتر وانا رغيت كتييييييير
تحياتى يامحمد
:)))))

السلام عليكم
ازيك يا محمد
دايما تجيب لنا مواضيع حلوة كده


انا شايفة ان الفرق بين الطيبة والسذاجة انك امتى تعرف تاخد حقك وتوزن الامور بعقلك قبل قلبك
تعرف امتى تقسى وامتى وتلين
ودى قمة الحكمة


المصلحة دايما الواحد يفضل مصلحته على الناس حتى لو اقرب حد ليك
ودا اعتقد مفهوش عيب ولا غلط طالما مش بتعمل دا بشكل غير مشروع
يعنى مش بتعمل ذنة فى حد ولا تاخد حق حد


اما بقى الندالة انى اعرف حد عشان المصلحة مبحبهبهاش
ودايما احاول احدد علاقتى مع صحابى ومعارفى فى اطار بيبعد عن المصلحة


تحياتى ليك
منظرين منك نصايح اكتر

:)

هناك امور يكون فيها الحق نسبي
وهناك امور يكون فيها الحق واضح كالشمس
والمجموعه الاولي هي امور مشتبهات
وليست بالكثير صدقيني
مثلا مارايك في هجمات بن لادن علي المدنيين بامريكا؟
اهي حق ام باطل؟
هي باطل ويضعها الكثيرون في الامور الوسطي
هو محاوله منا لتسييس الامور ليس الا

هذا ما عنيته حين قلت الحق نسبي
نحن نرى أن هجمات 11 سبتمبر مثلا ارهابا وقتلا لأبرياء و تشويها لصوة الاسلام السمحة

أو أقول شريحة كبيرة من المسلمين و غير المسلمين يرون هذا وبالنسبة لهم ليس لابن لادن الحق في ما فعله..

ننتقل لوجة نظر ابن لادن..
هو يرى ما فعله جهادا في سبيل الله..قتل الأبرياء..لا بأس به اذا أوصلنا لنتيجة ..أن نرعب الولايات المتحدة الأمريكية في عقل دارها و ننقل لأراضيها دموع الثكالى و صرخات اليتامى ودماء الأبرياء التي نراها كل يوم في أراضينا المسلمة..

هو يرى أن هذا هو الحق..

أعلم أنك ستقول لكنه مخطأ..
ربما نحن نعلم انه مخطأ..لكنه لا يعلم:)

هذا ما عنيته أن الحق نسبي..حتى أن مفهومه قد يتعارض كل التعارض من وجة نظر لأخرى

في الحقيقة مفهوم الحق لا يمكن أن يكون كاملا وواضحا بالنسبة للانسان..

كل شيء يتصل بالانسان يكون نسبيا..

لذا نجد أن الله سبحانه وتعالى خص نفسه باسم الحق..

أتمنى أن لا اكون أثقلت عليك بكلامي !
لا أدري لم اطيل دائما!

شكرا لك مرة أخرى على موضوعك وتحيتي لك

بص بقي انت الي جيبته لنفسك
انا هرغي ولو جدع توقفني


السذاجه والطيبه والمصلحه

كلها عوامل بتتوقف علي الانصات وفتح مدارك العقل لتقبل الطرف الاخر والرغبه الجاده في فتح حوار مثمر تكون محصلته النهايئه استفاده للطرفين

لو اتعلمنا ننصت هنعرف نقدر صح

لو سيبنا نفسنا نسمع هنفكر اكتر

انا دايما احب اسمع كتير

اسيب الي قدامي يتكلم بكدا اقدر احكم عليه واقدر افهمه واحكم علي علاقتي بيه هتكون في اي اطار

كل المشكله يا اخي العزيز في الانصات
فالانتباه
فالتقدير
وترجمته لفعل وسلوك منهج للتعامل


بقولك ايه بقي
انت مش ناوي تجيبها لبر بمواضيعك دي ولا ايه؟
وبعدين معاك يعني

كل حلو كدا
مفيش حاجه وحشه ابدا؟

دا كلام دا حضرتك

تسلم ايدك بجد ويارب مكنش رغيت كتير

تحياتي

لا تكن اعمي فتصير ساذجا

ديه الخلاصه..

اقل وصف انه بوست رائع

هل فشلت يوما في تقدير انسان ووضعته في خانه الاصدقاء وكان مكانه في الخانه المقابله؟
هل امنت بشخص او بفكره لفتره طويله ثم افقت يوما لتري انك كنت تقف في الاتجاه الخاطئ؟

السؤال الاول اجابته كثيرا ما حدث معي هذا مما جعلني اقلص خانة الاصدقاء

اما الثاني فصعب علي ان اواجه لاني صعب ان امن احد وافكاري اتخذها بعد تفكير طويل

هل اكتشفت يوما ان صديق لك ايا كانت مكانته يستغل صداقتك فقط من اجل مصلحته الشخصيه؟
هل شعرت يوما انك ساذجا للحظه؟

كثيرا كثيرا جدا ساذجة لدرجة الهبل

ومن ناحيه اخري:
هل شعرت يوما انك تتغير للاسوأ؟
هل نظرت يوما في المراه فرايت صوره نسخت منك؟
نسخه تخلو من براءه طفل كنته يوما؟
نسخه كونتها الحياه العمليه
بجروحها وتجاربها؟
هي ليست لك
فمن اين جاءت؟

لست ادري
ان الحياة تلعب بنا حسب اهوائها

على كل تساؤلات حساسة جاءت في الصميم
تحياتي

رغم انى استبعدت فكرة تخصص السيكاترى اللى بتهوانى جدا
الا انى لا زلت اهوى متابعة كل ما يطبع افكارا او كلمات فى انفسنا او اجتماعياتنا
لمحت هذا من التدوينة السابقة لحضرتك
ولذلك وبعد انتهاء امتحانى بحمد الله
عدت لاتابع فوجدت تدوينة اجمل
وافكار اعمق واحكم
زادك الله ورفع بك
والاروع والاجمل سيدى حين امتلانى الفخر بك بختام تدوينتك باية كريمة
تبارك الله
كما انه زادنى شرفا همة نفسك لقبول الردود والغاء المسمى
يكفينى كما قيل سابقا
ارفع قبعتى تحية لهذه الصفات التى قلما نراها او ندركها
بوركت ووفقت

همسات:
شكرا
انا بس حاولت ادردش معاكم في مواقف شخصيه مرينا بيها كلنا

كلمه في الجون يا هدي
ومافيهاش انانيه لانك هتضحي بس باللي يستاهل يتضحي بيه.
تعامل مع كل حد باللى يستحقه.
لو نقدر فعلا نقدر كل شخص ونحطه في الخانه اللي يستاهلها كنا تلاشينا جروح كتير علي مر العمر

تحياتي يا هدهد ....
ومنوراني

حدوته:
وعليكم السلام مها هانم
منوره يا باشا
بصي
احنا لو هنمشي ورا مصلحتنا بس طول الوقت هنخسر اقرب الناس لينا
بس بيبقي فيه وقت لازم نقدم مصلحه الاحباب يمكن علي مصلحتنا الشخصيه
وده اللي بيسموه التضحيه
اهم حاجه تكون لحد يستاهل التضحيه
وكلامك بيلخض:

انا شايفة ان الفرق بين الطيبة والسذاجة انك امتى تعرف تاخد حقك وتوزن الامور بعقلك قبل قلبك
تعرف امتى تقسى وامتى وتلين
ودى قمة الحكمة

تعرفي امتي تقسي من غير ماتجرحي وامتي تليني من غير ماتتكسري

تحياتي ليكي ياجميل وبجد انا مجرد بحط الموضوع علشان استفيد من مناقشتكم وتعليقاتكم ونصايحكم

ريانه:
:)بجد بفرح لما اشوف تعليقك

في الحقيقة مفهوم الحق لا يمكن أن يكون كاملا وواضحا بالنسبة للانسان..
كل شيء يتصل بالانسان يكون نسبيا..
لذا نجد أن الله سبحانه وتعالى خص نفسه باسم الحق..

ونعم بالله
نعم لم يكشف للانسان الا جانبا من الحق
وهو يدور من حوله
كلامك صحيح مليون في الميه يا ريانه

جهينه:
ايه البلضجه دي !!!!!!!!!!!!!!:)
ياباشا مفتاح المدونه اهو واطلع انا اقف علي الباب
ربنا علي القوي :)

كل المشكله يا اخي العزيز في الانصات
فالانتباه
فالتقدير
وترجمته لفعل وسلوك منهج للتعامل

:) مش بقولك اسيبلك المدونه واطلع انا بره
انا اكتب بوست علي ورقتين فلوسكاب وانتي تيجي تلخصيه في كلمتين
فعلا هي دي النقطه : اننا نسمع

:) تحياتي ليكي ودايما منوراني يا جميل

ارتعاشات:
اشكرك للكلام الجميل
منورني دايما
وكل سنه وانت دايما سعيد

ياسمين:
خانه الاصدقاء تعتمد علي مقدار التضحيه التي تستطيعين بذلها
حاولي ان تحافضي علي حجمها
او كيفها ثابتا
فصديق مخلص بالف لا تجدينهم وقتما تحتاجينهم

كثيرا نخطا فنتعلم
والمهم الا نقع في ذات الخطا مره اخري

نعم ان الحياه تلعب بنا حسب اهوائها
ومهمتنا هي مقاومه عبثها في تكوين نفسنا
مهمتنا الحفاظ علي نفسنا ببراءه طفل
وعقل ناضج

رنا الدغيدي:
النفس الانسانيه ستظل بالنسبه لنا بحرا عميقا لن نصل الي شاطئه ابدا
ولكنه من امتع البحار للسباحه
تكتشفي كل يوم شيئا جديدا بداخلك

اشكرك علي الكلام الجميل الذي ارجو ان استحق جزءا ضئيلا منه
بجد اسعدني تشريفك

تستحقه بحق واكثر وتعليقى لا يكون الا بعد تاثر فعلى واحقية فى الثناء
ولك الحق تماما فالنفس البشرية بحر من اوسع البحور التى تهوى البحث فيها
رغم انه من الصعب الوصول الى شاطىء لنفسك انت
سبحان الله

رنا:
فعلا سبحان الله
وفي انفسكم افلا تبصرون
وبنفضل لغايه مانموت مانكتشفش حدود تفكيرنا وقدراتنا

علي فكره عجبني جدا اسم شق القمر
مش عارف ايه حكايه طلبه طب
احنا غزونا المدونات :) تحسي ان نص طلبه الكليه عندهم ميول ادبيه
منوراني يا رنا

العبد لله عامل محاولة تحتاج للدعم
لتأصيل وعي حقيقي بالهوية المصرية
من خلال سـرديات مصرية نلقي الضوء على التراث المصري ومفاتيح الشخصية المصرية بقراءة غير منحازة لهذا التراث
التجربة لسه في أولها ستتدعم بكم

سرديه:
جميله واللهي الفكره
هشوفها ان شاء الله

موضوع جميلة ياسنة سادسة قديمة

:)

مش هادعى الذكاء الاجتماعى فى علاقاتى

ولا انى ماوقعتش فى مقالب من النوع اللى اخرج اقول انا اللى جبته لنفسى

او اية السذاجة دى

بس تعاملى بحذر فى كتير من الاوقات كان بينقذنى من كده

كمان لى حدسى الخاص اللى بيرشدنى كتير

تقدر تقول الانطباع الاول

اللى لو كان سئ لازم يدوم

اما لو عاكست التيار وحاولت اتعامل بلطف فساعتها باخد فوق دماغى

وببقى انا اللى جبته لنفسى صحيح

blue bird:

يا ولد يابتاع الحدس :)

فعلا ساعات كتير احساسنا الداخلي بينبئنا بمكان الخطأ
بس ده مايمنعش اننا
نسمع ونحلل ونختار

وعلي فكره الانطباع الاول مش دايما بيكون صح
:) تاني افضل اصدقائي اتخانقت معاه يوم ماشفته

بس انا هحقد عليكي كده
عمرك مالقيتي نفسك ساذجه؟
ماقصدش في المحيط الاجتماعي
ممكن في السياسي
ممكن حتي في الديني

:)طيب ماتسلفينا شويه من الحدس بتاعك احسن الواحد اكتر من مره حس انه كان ماشي في طريق غلط من البدايه

تحياتي يا جميل وايه اخبار الامتحانات؟

لا لا انت فهمت بالعكس

نفى النفى اثبات حضرتك

يعنى اكيد لقيت نفسى فى موقف الساذجة قبل كده

بس ده بقى بسبب انى مشيت ضد حدسى على فكرة

:)
ولعلملك اعز صديقاتى من ايام ثانوى بدايتنا كانت خناقة برضوه

هبه:
معلش لسه واخد بالي من التعليق
وصلت سيادتك بس ماكنش يمنع اني احقد شويه علي الحدس الخاص

:) مش كانوا بيقولوا ما محبه الا بعد عداوه
منوراني ياجميل