دائما ما تستوقفنا تلك الكلمات
ولكن ما معناها؟
هل يعني هذا انه عندما تراودك نفسك عن معصيه وانت امام الناس ملاكا بريئا فوقتها انت تعاني من انعدام المصداقيه؟
وهل عندما تقوم بعمل انساني وبداخلك غرض اخر لهذا العمل
ولنقل الشهره مثلا؟
هل انت في هذا الوقت منافق؟
ومثلا عندما تدون؟
هل تدون بغرض الشهره؟
ام اضاعه الوقت والتسليه؟
ام لتظهر امام الناس في صوره المثقف؟
ام لتشعر بقيمه موهبتك؟
ام لتفيد غيرك بفكرك؟
ام لتكتسب صديق جديد؟
ام لتساعد في خلق مجتمع افضل؟
ام لعده اغراض من هذه مجتمعه
وهل وقتها انت صادق ام كاذب مع نفسك
طرحنا الاسئله ولنبحث الان عن اجابه
فلنفكر معا
الانسان بطبعه يتكون من جزئين اساسيين هما المتحكمان في غرائزه وتصرفاته
الروح والجسد
شبههما الشيخ الشعرواي -رحمه الله- بالمنطاد :
سله تحمل اشخاص او اشياء تشد المنطاد للاسفل وهي الجسد
وبالون يمتلئ بالهواء الساخن يشد المنطاد للاعلي وهو الروح
والعقل قد يتبع هذا او ذاك
اي ان بداخل كل انسان قوتان
الخير والشر
وكلاهما يسعي للفوز وللظهور
اما ان تجذبك شهوات الجسد الي اسفل
او تحلق في السماء بروحك فقط واعتقد ان جميعنا ليس هذا الملاك
او تسمو بروحك وتتحكم في الوقت ذاته بشهوات جسدك وتضعها تحت تصرف العقل والدين
اذن فالجواب هو:
انه من الطبيعي ان يتحارب الخير والشر او الروح والجسد بداخل الانسان طوال الوقت
والمحصله النهائيه هي الذات الانسانيه
والصدق مع الذات هو توافق تصرفاتنا مع ما انتهت اليه هذه الحرب
اي ان الانسان اذا ما قام بالخير وبداخله نزعه من حب المال او الشهره او اي شهوه
ولكنها يقاومها وينتصر عليها لم يكن منافقا.
اما المنافق فهو من يقوم بالخير وذاته تقر بانهزام الخير الي غير رجعه.
فاذا كانت الحرب بين روحه وجسده متكافئه وقام بالخير ليرجح كفه الروح فهو صادق مع نفسه ومع الله.
اي انك وحدك من تختار الفائز
قال تعالي :
بسم الله الرحمن الرحيم
"لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ"
صدق الله العظيم
ايه 286 البقره
34 comments:
اسلوبك جامد جدا يمان كمل بالتوفيق ياصحبى الى سايب الدنيا ومحلق فى عالم لوحده خارج السرب ربنا يوفقك ويهديك للطريق الى يحققلك السعاده فى الدنيا والاخره
الصدق مع النفس هو اللي بيطهر الانسان ....مفيش احلى من الصلح مع النفس,,,بوست حلو اوي :)
kadero basha:
اخيرا خرج المارد من صومعته
حمدالله علي السلامه يا صاحبي
دايما ذووووووووق ذوووووووووووووق ذووووووووق يعني
btresya:
فعلا هو الطهر ذاته وهو الايمان ذاته
اوعدنا يارب
شكرا ليكي يا ورده دايما منوره
معني الصدق والنفاق
ووجه النظر بينهم بجد جامد جدا الكلام
وفيه فلسفه عاليه جدا
صحيح ان اخير والشر بيتحاربوا الي مالا انتهاء
وفعلا المحصله النهائيه اما خير او شر
وكله متوقف علي النتيجه دي
تفكيرك رائع بجد
تسلم دماغك جدا
تحياتي ليك
ياريتنا فعلا شايفين الامور بالسهولة والبساطة دى
انا مش بقصد جهاد النفس
لان ده طبعا اصعب انواع الجهاد
لكن الصدق مع النفس
بس فيه حاجة
انا مااقدرش اقسم الروح والجسد الى قسم الخير والشر
لان فيها حاجات بيطلبها الجسد لازم نلبيها
بس الفرق انت هتسلك طريق الحلال ولا الحرام
هتستخدم عقلك فى اى اتجاه
هل هتلبى رغباتك بدون النظر الى اى اعتبارات
ولا هتحققها بما يتوافق مع الدين
السلا م عليكم
اعتقد ان هناك اجابه اخرى غير التى اوردتها لماذا يكون التدوين اساسا مسبباولهدف لماذا لا ندون لاجل التدوين لماذا لا ادون وفقط؟
ادون لاسمع نفسى واعرفها واحا ول ان اعرف من خلال ما اكتب من انا وماذا اريد وما احلم به وما هى عيوبى
اجا با ت كثيره غير الشهره ةغيرها من اجا بتك المطر وحه
تحيا تى ليك
ومدونتك جميله والله
جهينه:
:)
كلام كبير ماقدرش عليه وبجد اسعدني
تحياتي لا ميره القلم
wildbird:
الاسم عاجبني جدا من ساعه لما كنت عندك
تبدلي؟؟؟ :)
بصي يا .... وايلد بيرد
الروح خلقت علي الفطره وليش لها شهوات اذن فهي خير خالص
الجسد فطرته في شهواته لانه اصل حيواني
واقل شهواته بيشد الروح للاسفل
هو مش شر خالص بس شهواني
هو كلام تحسي انه قلب علي بوذي لاني مش عاوز احدد الفكره علي المسلمين وبس
كلامك اللي في الاخر صح جدا
هل هنتحكم في شهوات الجسد
ام نضعها فيما امرنا الله
وده اصل الخير والشر
تحياتي ومنوره
الله هو الحقيقه:
وعليكم السلام
لست ادري سبب اسمك
فالجنه حقيقه كما ان الجحيم حقيقه
هزورك قريبا ان شاء الله لافهم سبب الاسم
نرجع للموضوع
:)مثلا
انا استخدمته كمثال والمثال لا يذكر بالتفصيل
ومع كده شايف ان استكشاف النفس الذي تقصده يكفيه ان تجلس لتكتب مذكراتك الخاصه لك وحدك.
انما انك نشرتها يبقي عاوز من وراها حاجه
مش لازم حاجه سيئه يعني
وغالبا مابيكونش السبب الشهره
ممكن تعرف راي الناس في موهبتك وكفي
وفيه الف احتمال تاني غير اللي انا قلتهم بالتاكيد
تحياتي ومنورني
بجد الموضوع حلو اوى اوى
سمعت حلقة لعمرو خالد اسمها بين الروح والمادة
يعنى البنى أدم جسمه زى ما بيتغذى روحه محتاجة لغذاء وهو الرجوع لربنا والنقاء عشان متتخنقش
اكيد كلنا جوانا الخير والشر
واكيد كلنا بنحاول بس الناجح فينا اللى يقدر
____________________________
محمد بجد ميرسى لسؤالك عليا
:))))))
السلام عليكم ورحم الله وبركاته
انا سمعت الكلام دا من الشيخ الشعراوى فعلا
الحرب بين الروح والجسد
وبصراااحة كلامك رائع لدرجة انك لمينت الموضوع كله
من غير تطويل او اسهاب
ودا شطارة احييك عليها
بجد لايسعنى غير انى اقول الموضوع رائع وانى بأيدك فى كل حرف
السؤال بتاعك دا انا ياما كنت اساله لنفسى
انا وحشة ولا حلوة ؟؟؟
بس فى النهاية فعلا تصرفاتنا هيا الفيصل
مع اول مرور ليا على المدون احب اقول انها عجبتنى جدا وبقت عندى فى المفضلة
تحياااتى
:)
هدي:
فعلا تغذيه الجسد من غير مانغذي الروح بتخلي الروح جوانا تضمر علي حساب الجسد
ماشفتش الحلقه ان شاء الله ادور واجيبها
اكيد لاننا بشر وده اساس الثواب والعقاب
:) حمد الله علي السلامه ومافيش ميرسي بين الاصحاب
حدوته:
وعليكم السلام ورحمه الله وبركاته
هو تشبيه الشيخ الشعراوي الله لخص الفكره
السؤال بتاعك دا انا ياما كنت اساله لنفسى
انا وحشة ولا حلوة ؟؟؟
بس فى النهاية فعلا تصرفاتنا هيا الفيصل
انا كاتب البوست علشان الفكره دي بالضبط
كتير بنظلم نفسنا والطاعه احلي لما تيجي من حب مش من خوف
:) ايه الكلام الكبير ده ,مش قده
منوراني بجد
الطريقة التي وصفتن بها حالة الصدق مع النفس اكثر من معبرة
تحياتي
-------------
أرجو أن تنضم لنا في حملة ( أفضحوا تجار الكيف )
التفاصيل في مدونتي
تحياتي
هو طلع تشابه اسماء
بس ماابدلش انا
بالرغم انى بحب الاحصنة
:)
السلام عليك مرة ثانية فى مدونتك
هنا وحيث استوقفنى العنوان جدااااا لانى عاشقة البحث فى النفس
عامة حيرتنى اسئلتك
ودار بفكرى البحث
حتى اصدرت قرارا مصكوك بحكم الذات مجتمعة
ان الذات عدوة النفس
او النفس الد عدود لى
لا تسالنى لم
فيكفينى انها لم تمنحنى الفرصة يوما ان اوافقها مائة بالمائة
احييك على فكرك واسلوبك
بوركت ووفقت
ودمت فى كتاباتك عن النفس
*****************************
اما عن وايلد بيرد
فاياكى تفرطى فى اسمك
بضحك طبعا
صاحب البوابه:
اشكرك
حاضر ان شاء الله
wild bird:
هههههههههههه
فكري تاني؟
دانا معروض عليا فيها كتير
:)
منوره يا جميل
rana degheidy:
ومن يوافق علي قدرات نفسه
دائما طموحنا يسبقنا بخطوه
وان كان لابد من المصالحه معها
لغايه ماننزل جيب واحده تانيه علي الاقل:)
اشكرك علي مجاملتك الرقيقه
هههههههههههههههههه
بتهدي النفوس يعني
هفوت لك حاجه بس اقنعيها :)
يا ريت كان الاختيار سهل زي طرح السؤال
لواحد بيعاني والله....بيعاني هو اساسا مش ناقص
ربن معانا و يهدينا جميعا يا رب
طبعا الصدق مع النفس شيء مهم جدا بل هو اهم ما يجب اعتماده قبل القيام بعمل ما
وطبعا انما الاعمال بالنيات ولكل امرا ما نوى
تحياتي اسلوبك جميل جدا ويدل على ثقافة عالية
عجبتنى اوى فلسفتك فى البوست بجد
الصدق مع النفس نعمه من عند ربنا
مش اى حد يتمتع بيها بجد
لانها هى بدايه الطريق الصحيح
لو كنا صادقين مع نفسنا هنقدر نحدد خطئنا وميتكررش تانى وهنقدر نحدد حسناتنا ونكرر منها
احييك بجد على البوست ده
ربنا يكرمك يارب
تحياتى
أعتقد أن هذا الصراع بين الخير و الشر داخل الانسان هو أمر طبيعي جدا
فلا يوجد ملاك على وجه الأرض لكن يوجد انسان خير المساحة البيضاء بقلبه طغت على المساحة السوداء و غلبتها..
والشرير هو شخص طغت المساحة السوداء بقلبه على تلك البيضاء..
لكن باعتقادي تظل هناك دائما بقلبه ولو بقعة صغيرة من بياض
أما عن نوايا الشخص في أعماله فأعتقد أن الشهرة و المديح و كلمات الثناء أشياء تغري الانسان
لذا عليه من وقت لآخر أن يعيد حسابته و يسأل نفسه لأي سبب هو يقوم بفعل الخير مثلا
واذا وجد أنه أصبح يفعله فقط ليحصد اعجاب الناس وثنائهم.. يُجاهد نفسه حتى يعيدها للأسباب الحقيقية وراء عمله الخير أيا كانت
الصراع داخل نفس الانسان مستمر للأبد
شكرا على موضوعك الجميل فكرة و أسلوبا في الطرح
تحيتي
عارف المشكلة في ايه
المشكلة بجد اني مش لاقية اي رد اقوله علي بوستك دة
انا كنت مجهزة نفسي اني ارد علي الاسئلة اللي انت حطيتها فوق
لكن لاقيتك كاتب الاجابة وابلغ اجابة كمان لكل التساؤلات
فعلا صدق النفس دة صدقنيبقي صعب ومش بيوصل ليه الا القليل
اللي بيقدر يكون صافي النفس والروح
ربنا يجعلنا منهم
gawad
e3zorny ana m2rtsh el post harga3 tany a2rah w harg3 a3ml comment 3aleh
bas ana 7abet ashkorak 3ala ehtemamk w ana asfa fe3ln msh mn 72y eny ans7b fag2a keda w mn gheer 7ata a3zar
ana bas kont m7taga a3ed 7esabaty
a2of wa2fa w ashof el leya w ely 3lya ..
thnx ya gawad.. :) w am back aho w argo enak t forgive me
ارتعاشات:
اه والله الكلام سهل بس فين الفعل وفين الثبات علي الفعل وده الاهم
بس تعرف كتير الواحد بيحس ان ربنا معاه بس هو ياخد خطوه.
في حديث قدسي بيقول في معناه:
انا عند ظن عبدي بي ان تقرب الي ذراعا تقربت اليه باعا وان جائني يمشي جئته هروله
شوف بقي احنا مكسلين قد ايه؟
منورني يا باشا
ياسمينا:
فعلا التوازن النفسي والتصالح مع الذات هما البدايه والاساس لاي نجاح.
:) بلاش الثقافه احسن الواحد ناقص شويه ويطلعله ديل
علي فكره شفت عندك تحليل لروايه الخميائي لباولو كوهيلو , جميل قوي والروايه تحفه. عندي علي ملف وورد وغالبا هنزلها قريب علي مدونه الكتب.
ريمو:
فعلا لو كل يوم بنقف مع نفسنا خمس دقايق
ونحاسبها علي محصول اليوم سواء كان خير ولا شر ونبقي صادقين معاها ونفكر علي السبب الحقيقي لتصرفاتنا ونبدا نراجع تصرفاتنا ودوافعنا
هتفرق معانا قوي بجد
حلوه الدعوه دي :) اهو لو كل واحد يدخل يديلنا دعوتين حلوين كده كانت تبقي فرجت
ربنا يكرمك يا رب
ريانه:
ريانه
ريانه
لا الاسم حلو قوي احييكي علي الاختيار
كلامك صح جدا وفعلا مفيش ملايكه
كل واحد جواه الاسود والابيض وهو اللي هيختار اللون الغالب
اه بمناسبه الشهره وكلمات الثناء
صدق او لا تصدق
المقربين من الريس في اوائل فتره رئاسته بيقولوا ان الريس كان عاوز يخدم البلد
( ممكن يكون لسه فاكر نفسه بيخدمها :) - تبقي كارثه )
صح جدا اننا نجدد النيه في كل حاجه بنعملها علشان مايجرفناش رضا الناس عن رضا رب الناس
منوراني يا ريانه بجد
سمرا:
الف الف حمد الله علي السلامه
لو حد كلمك تاني ناديلنا بس
فعلا ياانجي صح جدا
امين يارب
النفس هي اصعب امتحاناتنا ومن يحبه الله فقط هو من يجتاز ذلك الامتحان
بطوط:
لا طبعا فورجيف ايه؟
بقي ال 23 علي الدفعه يامفتريه واروح المدونه مالاقيش التورته
طيب حته جاتوه :)
ماتغيريش الموضوع
:) حمد الله علي السلامه يا انجي
وحشتينا بجد
يا عقد فل
شكرا ليك والحمد لله ان التحليل اعجبك انا كنت حاولت اعمله بطريقة مختلفة عن العادي
انا حروح مدونة الكتب واشوف شو فيها
سلام
اكيد اعجبني لانه فعلا لخص النقط المهمه فيها
انا ماكنتش حطيت تحليل للقصه
كنت رفعت بس نسخه من الروايه علي ملف ورد
وبعد اذنك هحط لينك لتحليلك
سلام
يسلم كيبوردك ياحصان يابري فعلا الصدق مع النفس هوالفكرة بس كتير بننساها او بنتناساها.حبيت فلسفتك فيها منطق واضح
Post a Comment