صفحه جديده
5 years ago
Monday, 16 April 2007
اوعي
اوعي تغش الصوره بتاعتك يوم ماتغش
اوعي يبان علي سطحك قوه وجواك قش
اوعي يكون لك في الدنيا دي مليون وش
اصحي وفوقلي حط دماغك تحت الدش
فتح مخك وانا في دماغك دغري هخش
......شايف جواك
.......دماغك بتنش
...........كده ملكك كش
.......اسمع مني ماتطنش
صالح نفسك.....ليها عيوبها
!!ليه عنهم بتغمض رمش؟
!!بايع مبدأ؟
!!بايع صاحب؟
!!بايع عش؟
ركز لحظه واوعي تقول ع كلامي ده وش
دور علي نفسك
يوم تلاقيها اعمل زفه وهش وبش
يومها حياتك سواء في نعيم سواء بتهش
راح يبقالها ساعتها المعني
هتلاقي الورد علي دماغك يترش
....ساعتها تقف وتقول انا انا
..........وانا مش
Subscribe to:
Post Comments (Atom)
2 comments:
جمييييييييييييييييييييييييييل
والله انت وصفت حال الناس دلوقتي بكلمتين صغيرين وباسلوب لذيذ
ياريت تكتب من النوعيه دي كمان
تحياتي
تعرف انا كنت بكتبها علي واحد اعرفه
لقيت ان فيها حاجات محتاجه تطبق علينا كلنا
عموما دي اخره عدم المذاكره
منور يا علول
Post a Comment