حصان بري

اكيد في امل
اكيد الكويس موجود
اكيد بكره احلى
احنا بس عايزين امل و حياه
جميل البوست
تحياتشي

طول مالكويس اكتر كنا بنسكت يا ميمو
انما الشعب بقي كله كده
وده ضمن سياسه البيض لو تعرفيها:
كان فيه ملك الشعب بتاعه مش مخليه واخد راحته
يعني كل مايعمل تعديل في الدستور يقف له
نصحه وزيره بفكره
طلب من كل واحد يجيب له بيضه
وبعدين حط البيض كله قدام القصر
وطلب من كل واحد يجي ياخد البيضه بتاعته
طبعا كل واحد بدا ياخد البيضه الكبيره
وهنا قال له الوزير
اعمل اللي انت عاوزه فيهم
كل واحد منهم اكل مال غيره فممكن دلوقتي تاكل اكلهم
فهمتي الفكره
والمشكله اننا شعب سلبي
لو سمعنا مابنحاولش نفهم
ولو صدفه فهمنا بنطنش علشان نعيش
منوره يا جميل

عشان كده احنا ام الدنيا
وعشان كده الهند مش بلد العجايب
احنا اللى العجايب بلدنا

متنساش برده
اننا لينا مميزات كتير عنهم

انا مقدرش انكر ان كلامك مظبوط
بس برده
مش كله

انا معاك فى كل اللى قلته
بس برده اصحاب المبادئ مازالو موجودين
جايز مش كتير
جايز الوحش اكتر
بس ده ميمنعش ان لسه فى امل
ولسه فى كويس
واكيد بكره احسن
تحياتى

وشوش

فكرتني بحاجة كنت كاتباها اسمها وشوش

كل وش وليه وش
لا تعرف اصله ولا ان كان دة بيغش

القصيدة كانت بتقول

وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
ماشية علي راسي ورجلي علي الارض بتفتـــش

مليون سؤال وسؤال علي وشك اجاباتها متتحلش
وشوش توشوش وشوش بشوشة بس مالها وش
وش تلاقيه بهلوان سيرك بيفنن فن مـــــــا يتفنش
ووش وشه بيضحك والقهر والدمعه جواه متتحوش

ووش لبسه حلو عشان تعرف معدنه ... .. يتفتــش
ووش عروسة حلاوة سكرها مرعلقم ما يتحسش
ووش حصان عليه فارس قال مواويل ما تتغنـــــش
وشوش علي وشوش وش حجر ووش وحــــــــوش

يا موشوش الودع قولي علي وشوش منها احـوش
يا صبر نوح في دعاه صبري من صبري ماتكلــش
بس قلبي عصفور ووشوش لوش حقيقي بتهمـش
عندك وش وشه تحبه ووش حلو عليه ميتبصـــش

حنيت شفايفي بدم غزال وحنيت لكن دمي متحنش
اصل اصله اصلي والاصل في الاصل اصله ميتقلش
ورويت عيوني بدمع السهر بس دمعي جف متبلش
وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش

hysteria:
والله احنا اللي طلعنا هنود
نورت المدونه يا باشا

الورده السوداء:
انا جبت اسوأ مثالين
ماقصدش انهم احسن
اقصد اننا جنب الاسوأ حتي ماعادش لنا مبدأ
اكتر ميزه لنا عنهم كانت الدين
وهو فين دلوقتي
الصوره مش سودا قوي احنا لسه الشعب الطيب الجدع المحافظ
بس حاسس السلبيه بنسخنا
بتسلخنا
منوره كالعاده يا مها

remoo:
كله داخل يسيب امل
ومين مش نفسه في امل
بس مش شايف عمل
طب يجي منين الامل؟
منوره يا ريم

samraa alnil:
حنيت شفايفي بدم غزال وحنيت لكن دمي متحنش
اصل اصله اصلي والاصل في الاصل اصله ميتقلش
ورويت عيوني بدمع السهر بس دمعي جف متبلش
جميل قوي يا انجي
ايه المواهب المدفونه في الارشيف دي؟
منوره يا جميل

اللي إنت قلته ده صح أوي... الناس بقي عندها إنفصام... إدعاء الشئ وفعل عكسه أصبح ظاهره وبتزيد.. ربنا يسترها الأيام الجايه

سلامي ليك

اللي إنت قلته ده صح أوي... الناس بقي عندها إنفصام... إدعاء الشئ وفعل عكسه أصبح ظاهره وبتزيد.. ربنا يسترها الأيام الجايه

سلامي ليك

معلش الكومنت إتكرر... ما كانش راضي يتحط في الأول... ياللا زيادة الخير
هههههههههه
سلاماااااات

و الله الكلام ده صحيح جدا للأسف , ربنا يصلح أحوالنا ..فعلا كما تكونو يولى عليكم ..

و معلش أنا بعتذر عن التاج ..عشان انا مليش فى التاجات قوى ..آسفه بجد

reri:
المشكله انه انفصام بالمعني الحرفي
يعني حتي بيقنعوا نفسهم بصوره الفصام
وده اسوأ انواع النفاق
نفاق النفس

:)اصلك كتبي سلامي ليك وانتي متعوده تكتبي
سلامات
فالمدونه جمعتهالك مش اكتر
مدونه ماشيه بدماغها انا عارف
منوره يا جميل وزياده الخير تلاته

great wishes:
يارب اصلح احوالنا واعذنا من نفاق
النفس

حسستيني اني بعزمك علي صنيه بسبوسه بالمكسرات
مليش في التاجات قوي
بسيطه سيبي 100 جنيه بدل تاج علي باب المدونه وانتي طالعه
تحياتي يا جميل وكفايه زيارتك

و الله ضحكتنى ..بقى برده البسبوسه حد يعتذر عنها ..ليه هبله
هى التاجات بس

الزميل حصان بري

موضوع الازدواجية واننا شعب مش عنده مبددا كتر منها على الاخر لانها فعلا حقيق محدش يقدر ينكرها


على ما افتكر حتي من زمان
واحده كانت بتشتم فى الدش والفيديو لان مكنش عندها وكان رجس من عمل الشيطان وحاجات خليعه ولما جابتة اصبح تكنولوجيا العصر وسلع اساسية

كل الينتقد حاجة دوقاله حتلاقية انضم للمعسكر الاخر والله يرحم المبادئ


بوست جميل وصادق
تقبل ارق التحيه

leh bas el tasha2om da
howa kol kalamak sa7 bas leh msh bythy2lak en hygy youm w ntghyar??
hygy bas odamo kteer shwya isa hygy

great wishes:
كومنتين في بوست واحد
ماهي سايبه اصلا
عملتي نفسك ماشفتيش ال100 جنيه وشبطتي في البسبوسه
ماديه قوي
منوره يامينو

الرفيقه زعيمه الناصريين:
لسه عند رأيي ان ده مش اصل في الشعب المصري وانما طريقه الحكم هي اللي بتساعد علي استنساخ الشعب

الرفيق حصانوف

منوره يا زعيمه بجد

بطوط:
بيني وبينك ساعتها ماكنتش شايف امل
الكام يوم اللي فاتوا فعلا كان الشعب بيثبتلي انه مش كده
ولكن هذا بوست اخر
بس لما افوق
منور ياجميل

يعنى اقولك ايه
كلامك فعلا صحيح ميه فى الميه
واحنا مكناش كده
بس بقينا كده
ومتسألنيش السبب
عشان مش هقول
هضحك بس
تحياتى يا حصان
يابرى

شيماء الجيزي:
قصدك مين السبب؟
اعترفي
طرااااخ
كل سنه وهو طيب بقي
تحياتي يا شيماء يا جيزي ومنوره المدونه