Monday, 23 April 2007

شعب بوشين


من فتره كتبت بوست اسمه اوعي
كانت فكره حسيتها علي شكل زجل فكتبتها من غير فلتره
كانت عن الناس اللي بوشين
وبعدين لقيت اننا كشعب مصري او عربي كامل فعلا بوشين
او بمعني اقرب شعب بلا مبادئ
واحنا بس المنفردين بالصفه دي

يعني مثلا الشعب الامريكي
مبادئه انه راسمالي
يعني يبيع اي حاجه علشان الفلوس
واللي ماعهوش فلوس مايستحقش يعيش
والشعب الفرنسي
مبادئه انه عاشق للحياه بكل ملذاتها
والحريه بدون خطوط حمرا
شعب ماجن من الاخر
والياباني والانجليزي و و و
وهكذا كل شعوب العالم
عندها مبادئ سواء غلط ولا صح بس بتمشي عليها

ماعدا عندنا احنا
ماتعرفلناش فكر

تلاقي واحد بيشاور علي اوروبا
ناش بتشتغل بجد
وهو نفسه مابيحللش قرش بياخده مرتب

تلاقي واحد بيشتم في داعيه لانه احل للناس في بدايه الالتزام انها تصلي في بيتها وبعدين المسجد
وهو مابيركعهاش لا في بيت ولا في مسجد

تلاقي واحد بيشتم في الاعلام والفجور اللي وصل له
وفي بيته فاتح الدش علي هيفا واهو بنتسلي

صاحب العربيه يفضل يشتم في غيره علشان عداه بعربيته
ده همجي وحيوان
ولما بتجيله فرصه بيدوس اللي قدامه

الموظف يفضل يشتم في اللي سارقين البلد
ويروح الشغل يسرق ويرتشي
وتكلمه يقولك احنا بناخد فلوس علشان ناكل
انما هما بيسرقوا ملايين
ياصلاه النبي
وهو سرقه العشره جنيه فيها زغزغه وسرقه المليون فيها قطع ايد

تلاقي مظاهره فيها كام ولد بلبان
وبنات ببديهات واسترتش
عاوزين نجاهد في فلسطين

تلاقي واحد طالع لجار عامل حفله
وطي الصوت ياعم مش عارفين ننام
مافيش بني ادمين بتعمل كده
تاني يوم تلاقيه عامل حفله واللي مش عاجبه يشرب من البحر

وصحفي يشتم في الحكومه ويلعن اليوم اللي مسكتنا فيه
ومجرد ما يشوفوه بقرشين
يشتم في الشعب الغبي اللي مابيعرفش يتحكم
والمعارضه المموله من الخارج للانقلاب علي حكومتنا الرشيده

طبعا مش هقول امثله للحكومه اللي بوشين لان الناس كلها شايفه وسامعه التصريحات
وعموما ايما تكونوا يولي عليكم

شعب فقد معني كلمه مبدأ
اتسرق فاستحل السرقه
واتهرس من اللي فوقه فاستقوي علي اللي تحته
شعب مكبوت بتقاليد مش مقتنع بيها بس مضطر يجاريها قدام الناس
ويختلي بنفسه يرميها ورا ضهره
شعب بيحاول يبان متدين قدام الناس مش قدام اللي خلقه
ياتري هيجي يوم ونتغير؟
صراحه مش باين

Posted by حصان بري at 02:17 18 علقوا

Wednesday, 18 April 2007

عااااااااااااااااااااااااااااااااااااااااااااااااااا

كشفت راسي ودعيت عليكي ياللي في بالي
لا مش ساره فوكاليز ياجماعه ليه سوء الظن بس

تاج وداير ع الرؤووووووووووووووس

طويل قوي


يلا نبدا

واحد اتنين تلاته

اربعه خمسه س..... ايه ده نبدا بقي

1. last beverage?

وهو الدرينك بقي كلمه قبيحه

ديو يا سيدي

عصير لمون م الاخر

2.last phone call?

عبد القادر

طالعين بكره سقاره

او اسكندريه لسه ماقررناش


3.last instant message?

طيب انا اصلا بتكلم علي الماسنجر دلوقتي

ثانيه واحده

اه

my lover4ever says:
ماشي ياعم

من اروي

5. last cd played?

هو اغنيه في كوكتيل شغال

ايس كريم في ديسمبر

شوفوا سخريه القدر

6. last time you cried?

اولي اعدادي كانت اخر مره والدي يضربني فيها

كان فيه حصه سابعه وماكنش حد بيحضرها

كنا بنطلع نلعب كوره وبلاي ستيشن

شباب منحرف بقي

فضلت علي كده علي طول لغايه يوم ماكانش معانا كوره ولا فلوس

روحت علي البيت

والدي رجع لقاني في البيت

طبعا الاول فهم اني مزوغ من المدرسه

بس لما قلتله الحقيقه تفهم الموقف جدااااااااااااااااااااااااااااااااااااااااااا

(الموضوع ده كان بعد حوالي 3 شهور من بدايه الدراسه)

(وفي نفس السنه عمي نبيل توفي (كان اصغر اعمامي وكنت بحبه قوي

فاكر اني قلت للي قالي كده انت كداب ورحت اشتكيت لوالدي

مش هنسي اليوم ده ومش هنسي نظره والدي

7.last text message?

بانجو كده

حشيش فايده فيك

ماكنا هيروين مع بعض

بودره تندم ياجميل


قسم 2:الايفرز

Have You Evers

1. dated someone twice?

انت جاي تعزي ولا جاي تهرج

2. been cheated on?

لو قصدك خيانه لا

ولا لي ولا عليا

لو قصدك خداع ايون

خدعت واتخدعت

3. kissed someone & regretted it?

في بلد والدي

لغايه ثانوي تقريبا

الست تبقي بالكتير 30 سنه ومووووووووووه موووووووووووه ده زي ابني

وهتعمل ايه؟

4. lost someone special?

مادام سالت السوال تاني اقري الفاتحه بقي

بجد كانت فتره حسيت ان كل الناس الطيبين اللي في عيله والدي بيتخطفوا


5. been depressed?

انا في العاده ضاربها ضبنجه بس الاسبوع اللي فات بجد ماكنتش في المود خااااااااااالص

والجو عمل معايا احلي واجب

مطر وتراب وبعدين حر واحلي شغل


6. been drunk and threw up?

ياعم انا اخري موز بلبن

درنك ايه اللي انت جاي تقول عليه؟


List 3 Favorite Colors:

ازرق

ابيض

والاسود اللامع
This month have youMade a new friend?
ايون محمد يسري

وعماد

بس حاسس اني ببعد عن اصحاب ثانوي والرجاله بتوع كفر الشيخ

Fallen out of love?

ايوه اوت

ومن غير تفاصيل

Laughed until you cried?

ايوه وخصوصا مع الناس التلقائيه اوي

ايهاب وابو العربي

Met someone who changed your life?

كتير قوي اللي تقابله وتتعلم منه حاجه

انما تغيير جذري

ممكن الواد عبد القادر

بقينا صوره كربون اساسا

وايناس

ايناس مين؟

Found out who your true friends were?

بالاسامي الكوديه بقي

شنكوتي و بوتر و دابو وراؤل و رفاييل وفرده يمين ورجب باشا والشيخ راضي (ودي كانت شله ثانوي) وكادرو وغيبوبه والزعيم وميرو باشا والعمده وسلي مان وابو صلاح والحوت وبيس وسيستم وابو العربي وهني موون وايرين واروي هانم ودينا مقالب

بجد كل واحد من دول اثبت انه صاحب بجد ولو قلت ايه مش هوفيهم حقهم


Is there something you want to tell someone?

يعني هتتبسط لو قلت للريس حل عن سمانا واروح ازور منعم

Would you kiss anyone on your top friends?

التاج بدا يدخل في الغويط يا هنادي

How many people on your top friends do you know in real life?
اللي انا قلتهم في الريل لايف

بس من هنا ممكن بطوط وموني وساره وعلول وعلي الشافعي ولمياء وسمراء النيل وميمو

بصوا فيه لسته علي يمينك وانت داخل

عالم دماغها حلوه

How many kids do you want to have?

عمر وعبد الرحمن وفاطمه

وفاطمه الاول

ياعم اللي يجيبوا ربنا كويس

10. Do you have any pets?
عمي كان عنده مهر وجابت حصان صغير

اعتبرته بتاعي عموما

كان فيه عصافير وطيرتهم

11. Do you wanna change your name?

بصراحه لغايه ثانوي مثلا كنت بشوف ان اسم محمد شائع قوي

كنت عاوز اسم مميز مش اكتر

ده غير انه حصل معايا اكتر من مره واطلع مكرر علشان الميم في اخر الحروف الابجديه

بس دلوقتي بجد بحب اسم محمد ده جدا ولولا الملامه كنت سميت ابني محمد محمد عمر

12. What did you do for your last birthday؟

هو من زمان 16 اغسطس بس فاكر

الاوغاد قعدوا ساكتين طول اليوم وفي اخر اليوم عملولي عيد ميلاد فضيحه

السنه دي كنت حاسس انه مختلف قوي

23 سنه بقي

13. What time did you wake up today?

تمانيه و20 دق كنت صاحي

تمانيه و33 دق قمت من علي السرير

فروق توقيت بقي
14.What were you doing at midnight last night?
كنت فاتح الكمبيوتر

بعمل ايه مش فاكر

15. Name something you CANNOT wait for?

(ممكن يوم التخرج (سبع سنين كتيررررر يا بشر

16. Last time you saw your father?

السبت اللي فات

بسافر بقي

والله الحاج بيوحشني ياجدعان

ربنا يخليهولي يارب

What is one thing you wish you could change about your life?

وان ثينج بس؟

امممممممممم لو بذاكر زي البني ادمين يبقي تمام قوي

18.What are you listening to right now?

كل عام وانتي حبيبتي ماتاخد الكوكتيل كله عندك وخلاص

Have you ever talked to Tom?

ولا اعرفه ياباشا
Have you ever talked about someone behind their back?
يوووووووووووووووه حنفي ابو دقه وغير ابو دقه وغيره وغيره وغيره

مساء الجمال يا سمرا
What’s the last piece of clothing you borrowed from anyone?
هو الوحيد اللي باخد منه هدوم هو احمد اخويا علشان طولي ونتفاهم مع بعض

اخر حاجه كان تي شيرت بتاع احمد شكله كده جايبه من اسوان
Who’s getting on your nerves right now?
انت عارف لما يكون قدامك عقليه طفل ومجبر تتعامل معاه لان تحت ايده شخص عزيز عليك

حد فهم حاجه؟

ده المطلوب
Most visited webpage?
اممممممم

جوجل

عشرينات

عمرو خالد

الجزيره

الاهلي

وطبعا المدونه والميل


coke or pepsi?

ايزي لينجو الله يكرمه مارضاليش الفضيحه وقالي ان كوك ده اختصار كوكا كولا

مابتفرقش معايا وخصوا اني مدمن نسكافيه مش كولات خالص


Mac or PC?
برضه طلع جدع وقالي ان ماك ده نوع من الكمبيوتر

وانا اللي كنت فاكره ماك فرايز

بي سي يا بشمهندس

اللي نعرفه احسن من الي مانعرفوش

هيييييييييييييييييييييييييييييييييييييييييييييييييييييييييييييييييه

خلاص بجد؟

ماتقولش

ابعته لمين؟

كنت هنسي اخص عليكوا ماصدقتوا

المشكله اني اتاخرت ولقيته عدي علي اغلب الناس

ودول الباقيين

نبدا بعبد القادر كالعاده

وبعدين بطوط

moony تاني

(وش بيطلع لسانه)

علول باشا

لميا لاتنتظر احدا وقد جاء الاحدا

وعلي الشافعي

وناس بقي لسه عارفهم جديد

يمكن اعرف

الورده السوداء

great wishes

شيماء ماشي بدون قدم

ليندا

ملحوظه :جميع الاسئله اجباريه

Posted by حصان بري at 16:25 13 علقوا

Monday, 16 April 2007

اوعي


اوعي تغش الصوره بتاعتك يوم ماتغش

اوعي يبان علي سطحك قوه وجواك قش

اوعي يكون لك في الدنيا دي مليون وش

اصحي وفوقلي حط دماغك تحت الدش

فتح مخك وانا في دماغك دغري هخش
......شايف جواك
.......دماغك بتنش
...........كده ملكك كش

.......اسمع مني ماتطنش

صالح نفسك.....ليها عيوبها
!!ليه عنهم بتغمض رمش؟

!!بايع مبدأ؟
!!بايع صاحب؟
!!بايع عش؟

ركز لحظه واوعي تقول ع كلامي ده وش

دور علي نفسك
يوم تلاقيها اعمل زفه وهش وبش

يومها حياتك سواء في نعيم سواء بتهش
راح يبقالها ساعتها المعني

هتلاقي الورد علي دماغك يترش

....ساعتها تقف وتقول انا انا
..........وانا مش

Posted by حصان بري at 03:55 2 علقوا

ومنين اجيب نفس؟

Posted by حصان بري at 02:28 5 علقوا

Wednesday, 11 April 2007

اوحشتيني


ابدا لم يستطع نسيانها
عيناها في كل كتاب
ابتسامتها علي كل شاشه
حاول ان يركز في العمل عله ينساها
افني نفسه في العمل وخارجه
كان يذهب الي المنزل فقط لينام
ملأ وجههأ احلامه
مبتسما كما تذكره
ملائكيا كما عشقه
:كانت تأتيه في رساله واحده
أوحشتني


نزل من بيته لا يدري أين تأخذه قدماه
وجد نفسه في المقهي الذي اعتاد الذهاب اليه معها
رأي فتاه لا تتعدي السادسه عشره
في مائدتهما المفضله
تمسك بيدها كوب الشيكولاته الساخنه
وتسند جبهتها بيدها الاخري
رأها كذكري حبه
......صغيره
.......وحيده
.......صامته
.......حزينه
...........
ومكسوره

Posted by حصان بري at 21:56 12 علقوا

Thursday, 5 April 2007

break up of no reason


تحاشي اللقاء ثانيه
لكنهما التقيا

لم يدري ماذا سيقول وماذا ستقول؟

حتي تقابلت العيون

لم يتمالك نفسه

ابتسم

وابتسمت

واتسعت الابتسامه مع تيار الذكريات

يحبها وتحبه

لم افترقا؟

لا يدري

Posted by حصان بري at 01:49 15 علقوا

Tuesday, 3 April 2007

tell him 4 celine


i think it is the best slow song i ever heard
so i made a small project on it
another screen saver
here
http://www.megaupload.com/sa/?d=WT1Z44RT
or here
http://rapidshare.com/files/24109767/tell_him.rar

i made it as a movie and will upload it later
hope u like it

Love is light that surely glows
In the hearts of those who know
It's a steady flame that grows
Feed the fire with all the passion you can show
Tonight love will assume its place
This memory time cannot erase
Your faith will lead love where it has to go

Posted by حصان بري at 03:21 5 علقوا
Subscribe to: Posts (Atom)