صفحه جديده
5 years ago
Saturday, 10 February 2007
كان انا
عديت علي بيت قديم
وشارع قديم
..............
شفت بعيوني وحدي
اطفال
...............
جايبين ورق ونشا بيعملوا زينه رمضان
بينهم ولد ملامحه تشبهلي
..............
نازل في جلابيه بيضا يصلي الجمعه هيرجع بيها تراب
بينادي علي صاحبه هات الكوره وانزل
باصي يالؤي
اقفل الزاويه يا كريم
شوط يابني ادم.
..............
استغمايه
وسبعاويه
وكهربا
.....................................
كبر الولد شويه
واقف في الفصل قدام مستني تصويت رئيس الفصل
نجح
بص لبت بعيون خضرا وضفيره شقرا وابتسم
..................
رجع الشارع لقي كوره بتجري
حط الشنطه ع الرصيف
يا لؤي باصي
رجع لبتهم اتغدي واخد قصص ونزل لعم سمير بدلهم بقصص تانيه
القصه تتبدل ببريزه
والنص جنيه يبدل 5 قصص
.....................................
كبر كمان
واختفت العيون الخضرا مع ابوها في الخليج
..................
الاستاذ بيشرح قاعده if
للمره المليون
حاطط ملف المستقبل تحت الديسك وبيقرا
دخل المدير
فين المندوب الثقافي ؟
رمي القصه تحت الديسك وطلع
مسابقه تاني
وطلع التاني
بص للفريق الاول
داق طعم الخساره
وحزن
.....................................
كبر كمان
قاعد في درس الكيميا ضهره للحيط وعينه عكس اتجاه المدرس
دي ملاك......... ملاك يا ناس....... وليها ع القلوب تاثير.......... وليها تأثير
يا محمد ركز
يا هبه ركزي
..
امتحان
ويمكن الدرس الوحيد اللي كان بيروح مذاكر
.....................................
كبر كمان
داخل سكشن التشريح متأخر زي عادته
البالطو علي كتفه
الدكتور بيقول ميعاد تسليم كراسه العملي المره الجايه
العالم دي فاضيه
..................
نازل من سلم المدرجات
شافها بتلف ناحيته وبتضحك
هي دي
لا مش هي
.......................................
Subscribe to:
Post Comments (Atom)
2 comments:
مش عارفة اكتب حاجة
بس الاكيد انه حلو .. حلــــــــــــــــو اوي
بس طلعت هي ولا مش هي
لا تنتظر احدا فلن ياتي احد
:) شكرا يالميا علي المرور
:( لا مش هي
لسه باقي فصل في البوست هنعمل ايه بقي:)
Post a Comment