حصان بري

الاول انا خلصته كله مرة واحدة
بعد كده بقى عرضك للشخصيات كان جامد فعلا

كل واحدة بتحمل نوع معين من انواع الاختباء .. حستخبى ورا مكتب ورا تمثال ور كشكول محاضرات

بس برده الشخصيات المقابلة من رايي كانت مستخبية
يعني المدير استخبى في منصبه والولد استخبى في ابتسامته يمكن


مش عارفة انا اصلا بقول اية

اقولك انا اصلا مبحبش تحليل الناس نفسيا :)

اه نسيت
كنت عايزه اقولك ان السبب الاساسي هو عدم ثقتنا في قدرة الاخرين على تقبل واقعنا

القصص جميلة جداً
وأجمل ما فيها انها بتتكلم
عن اشخاص قريبين مننا
عايشين معانا ويمكن زى ما بتقول
عايشين جوانا فى الاساس
لكن على الجانب الاخر
انا ضد ان يتقال عليهم مرضى نفسيين
ممكن اوافق على انهم تعبانيين نفسياً
ومين فينا مش تعبان نفسياً؟
من ضغوط الحياة
أو زى ما بتقول من ضغوط المجتمع
وانهم مقدروش يواجهوه بحقيقة شخصياتهم
لكن انت مش شايف ان احنا مجتمع ظالم
بنطالب ان ناس زى المذكورين فى القصص دول
يصارحو بحقيقة شخصيتهم ووجهات نظرهم
وبعدين بنكون اول من يهاجمهم
لأننا ببساطه لا يمكننا
الحياد مطلقاااااً

كل حد فينا جواه خوف وتردد من حاجة معينه

كل حد فينا بيفكر الف مرة
قبل مايقرر يقول حاجة جواه
هو عارف انه غريب ومختلف فيها


كل حد فينا جواه ضغط نفسى او عصبى
مع اختلاف نوعه او حجمه
او قدرتنا على تحمله


كل حد فينا اول ما قرا القصص دى
لمسته على الاقل جانب منها
لكن مش هيقول هو ايه


.
.

الموضوع جميل اووووى بجد
والامتحانات تمام

سلامى ليك

موضوع روعة ما شاء الله . جميل قوي إنه كان بينقلني نقلات حلوة قوي..
شكراً ليك

هههههههه

فلسفة دى او تحليل نفسى عارف مبحبش برضه التحليل احيانا بنحتاجه بس لما نسيب الامور بتبقى احلى كتير

مطلعتش ولا واحدة فى دول الحمد لله قادرة اتاقلم واتعامل الى حد كبير الاخرين برضه مش عارفة بحس انى مقبولة بطريقتى واسلوبى جدا الحمد لله مهما كانت الانتقادات هفضل انا الحمد لله

اجزت اتا اصلا وقريته مرة واحدة ومش طويل على فكرة

لميا:
ههههههههه كنت لسه هسألك الولد استخبي في ابتسامته ازاي؟
يا لميا مش كل التحليل بيبقي بعيد عن الواقع
انا مجرد بفكر الناس انها تعيش بشخصيه واحده
متستخباش ورا شخصيه مش شخصيتها
منخفش من تقبل الاخرين لواقع بتاعنا احنا بس
وعلي فكره اللي بيوصل للشخصيه المتوازنه ده بيتقبله المجتمع اكثر من الشخصيات المهزوزه اللي فاتت
فعلا السبب هو الخوف من اللي حواليه

نورتني يا جميل

برنسيس دودو:
يا هلا يا هلا بالرومانسي

يا دعاء المجتمع مش هيوافق غير علي شخصيه منافقه ميه في الميه
مفيهاش غلطه

معلش مجتمعنا بيته كله من قزاز بس مبيبطلش يحدف طوب

اللي وافق يكون عنده شخصيتين يبقي اختار يكون ضمن المجتمع ده

اللي هيمشي بشخصيته هو بس واللي شايفه صح يبقي اختار يكون نفسه واعتقد ده علي الاقل هيكسبها

عجبني الجزء ده في تعليقك:

كل حد فينا بيفكر الف مرة
قبل مايقرر يقول حاجة جواه
هو عارف انه غريب ومختلف فيها

لما يكون مقتنع بيها مش هيتردد كتير

الف مبروك عقبال الباقي:)
نورت المدونه يا جميل

محمد فكري:
شكرا يا محمد علي الكلام الحلو
نورت المدونه

مروه:
يا جميل انا طلبت من الناس دي تسيب نفسها من قيود المجتمع
انا مش بطالبهم بشخصيته معينه
انا بس بطلب منهم ميكونوش بشخصيتين

:) طيب ده كويس قوي
عارفه
انا رسمت شخصيات معينه اعرفها
بعد ماخلصت لقيت فيهم صوره او اتنين فيا

المعادله بين شخصيتك اللي نفسك تكونيها واللي كنتيها فعلا معادله مش سهله
:) فليل اللي بيوصلها بشكل كامل

اه عرفت ياعم انك اجزت:)اللهم لا حسد يعني
اه طبعا ده جنب تمردي كومنت صغنن:)
منور يا جميل

أخي الكريم
أسعدني جدًا التواجد بمدونتك الرائعة وقراءة نصوصك الراقية... ,أدهشني توافق الرؤى بيننا ... أتمنى لك دوام التوفيق والإبداع

مين انا:
ايه يا عم الكلام الجامد ده
اشكرك للمجامله
نورت يا باشا

بسم الله الرحمن الرحيم
السلام عليكم ورحمة الله وبركاته

يااااااه الحمد لله وصلت بالسلامة
انا من ساعتها بدور ارد منين
اول طلة ليا على المدونة دي و شكلها هتكون الاخيرة لأني مش هعرف اوصل هنا تاني انا عارفة نفسي

المهم بقى التدوينة جميلة جدا و النقلات بينها مستغربتهاش اعتقد فعلا ان انا عن نفسي مليااااااانة عقد و كلاكيع لما الاقي اول الخيط هبدأ اربطها بكرة جديدة

و حضرتك بقى تعتقد انك مين في دول؟؟؟؟

مع تحياتي

* يا جدعان حد يعلمني امشي منين في المدونات دي دانا تهت في مدونتي نفسها*