:) بجد امبارح مفرقش كتير عن الفيديو ده كان يوم مجنوووووووووووون كنا معتقلين وطلعونا رقصنا في الكليه حوالي 3 ساعات بجد محسيتش انهم 3 دقايق كسرنا قلل كتقليد فرعوني وواحد جاب زير كسرناه قدام النافوره بجد فرحه من القلب ممزوجه بذكريات الكليه ست سنين واربع شهور كانوا من احلي سنين عمري
لسه الصور والفيديو موصلنيش بس ببص للي صورته علي الموبايل وافكر :) ياتري هنفضل اصحاب؟
عبد القادر
انا وصفوت انا وعبد القادر وعبد الفتاح ده سلمان قبل الامتحان فقره من الاحتفاليات مع بمبم مخلص بقي
مجرد ما اجيب الفيديوهات والصور هبقي انزلها ان شاء الله كان يوم بجد فظييييييع
تضغط علي الباور وانت بتقول: بلاش تدق النقص دلوقتي فيشتغل معاك تخلص شغلك ويقع تاني مجرد متخلص
جربت مره تليفونك يقول تيت تضغط عليه بايدك وانت بتقول: امسك نفسك يكمل معك المكالمه وتيت تيت قبل ماتقول سلام
هل فعلا فيه رابطه بتحصل بينك وبين الاشياء غير العاقله اللي بتعيش معاك وقت طويل
مش من عادتي اني ابص ورا كتير مره واحده دخلت الارشيف في وقت مكنتش بكتب جديد فنزلت خواطر قديمه وبس علي كده كل ما اروح عند مدون الاقي عيد ميلاد مدونته عيد ميلاد مدونه ايه بس طيب طيب يا عم كل سنه وانت طيب ومدونتك طيبه .......... الخ
النهارده: فاكر اني بدات تدوين في يناير كام يناير مكنتش فاكر مبصتش علي الارشيف
بس بدأت اضغط علي اولدربوستز older posts شويه شويه بدات ارجع بالذاكره 3 بوست ورا اسبوعين ورا وشويه شويه بدأت افتكر البوست ده كتبته امتي
ايام كنت مهيس وايام كنت فيلسوف ايام كنت جد فيها قوي وايام كنت فيها بدور مع نفسي علي احلام كتير منها اللي لقيته ومنها اللي لسه بدور عليه
التعليق ده اثر فيا ازاي؟ وكلامي اثر في اللي قراه ازاي؟
وبدات ابتسامه تترسم في مكان في الذاكره ايوه جزء مني هنا سنه من حياتي انعكست باغلب تغيراتها هنا حصان بري حسيت فيه صوره افكاري بكل ايجابياتها وسلبياتها
بدات تدوين يوم 14 يناير2007 عملت المدونه دي كمجرد دفتر للمذكرات اونلاين دخلت يومها عملت المدونه ونقلت حوالي تلات مواضيع كتبتهم زمان
وكتبت موضوع جديد عن نقاط التفتيش اللي في وسط القاهره تقريبا كنت بكتب لنفسي ولاصحابي وبس ودلوقتي في 14 يناير 2008 : حصان بري مع اول ايام كوني عاطلا:) بقولك كل سنه وانت دايما حر كل سنه وانت دايما صورتي اللي بشوف فيها نفسي قبل مايشوفني الناس
الف الف الف الف مبروووووووووووووووووووووووووك يا دكتور ... doctor يــا يــا دكتوور
مش عارفه ليه عجبانى الكلمه ... :))
فرحت اوى لما قرأت البوست .... كنت داخله بمود بوست حزن ... فجأه حصلت حجات غريبه .. المـود العام وتخيلكم وانتوا اصحاب متجمعين وفرحانين وبترقصوا يـــاه .. بجد بسم الله ما شاء الله ... ربنا يكون معاك بقا الايام الي جايه ... لان بيتهيألى الحياه العمليه حتحتاج مجهود اكبر
ممممممم .. وطاقه من الافكـار الي يمكن مكناش بنفكر فيها بقوه ... حتشغلك جامد
استعد يا بطل .. قصدي يا دكتور :))
وربنا يجمعك انت واصحابك دايما وتفضلوا اصدقاء اوى 7 سنين مش بالساهل يا محمد ... ربنا يباركلكم يا رب
ده عن اولا...
اما عن ثانيا
الموضوع الي بتتكلم فيه ده ... انت مش متخيل انا بعتقد فيه قد ايه ...
الكمبيوتر والموبايل والكاست .. الاجهزه ... عارف الكاسيت بتاعنا مكانش بيرضى يشغل الشريط الا بتاعنا بس :))))
كمان لعبي و انا صغيره ...
بحس ان الحجات الجوامد دي عايشه وبتحس بس حياه احنا منعرفهاش ...
اممممممم يعنى ...
ثالثا: كـل سنه واحنا بنيجى هنا نشاركك افكـارك ... يمكن دي مناسبه اكتب ده هنـا
بجد المدونه دي ... "حصان بري " اكتر مدونه بتحفز دماغى انها تفكـر و دايما التفكير بيطول وبيكون محور نقاش مع الناس الي حواليا
بجد المدونه دي ... اثــر
حخلص اهوو لحسن كتبت كلام كتير اوى ...
حخلص بجمله من البوست نفسه بجد .. الجمله دي تستحق كـل احترام
" كل سنه والمدونه دي دايما صورتك اللي بتشوف فيها نفسك قبل مايشوفك الناس "
مبروك مع انها متأخرة شوية وبالنسبة لرابطه بتحصل بينك وبين الاشياء غير العاقله اللي بتعيش معاك وقت طويل بتحصل ودي بتبقى من ستر ربنا معاك وملهاش رد غير الحمد لله
برنامج جميل جدا لمواقيت الصلاه والاجمل انه مجاني فمفيش اي شبهه حرمانيه فيه امكانيه تذكير بعد الصلاه وقبلها ومعاه اصوات للاذان جميله جدا ومعاه راديو اسلامي مميزاته كتير شوفوها بنفسكم وياريت كله ينشره البرنامج من هنا
10 comments:
اولا
الف الف مبروك بجد وربنا معاك فى اللى جاى كله
وباذن الله يكتب لك الافضل ليك دايما
وان شاء الله تفضلوا اخوات اوى ومع بعض طول العمر باذن الله
ثانيا
اه طبعا انا عن نفسى جربت لانى بتعلق اوى بكل حاجه فى حياتى
اوضتى تليونى كتبى
قلمى
كل دى وحاجات تانيه كتيره اوى ليها عندى احساس خاص وبحس انها فاهمانى اوى اوى
وبحس انها بتحس بيا وبمشاعرى وباللى ببقى عايزه اقوله
عودتنى من زمان احس بكل حاجه فى حياتى ويمكن عشان كدا بحسها هى كمان بتحس بيا
ثالثا بقى
اذا انت مش فاكر انت بتكتب هنا من امتى فاحنا يا سيدى فاكرين كويس اوى
وبجد حاجات كتير اوى من اللى انت كتبتها يمكن اكون ما علقتش عليها بس اللى لازم تثق منه اوى انى قريتها بس للاسف ما لقيتش اى كلام اعرف اقوله
وكان هيبقى تقليل منى للبوست وليك لو ماكنتش علقت بالقدر الكافى اللى يليق بالبوست وبيك كحد بجد ماشاء الله بحترم اوى كلماته
شكرا ليك ولكل كلمه قريتها هنا وعلمتنى حاجه جديده
ميرسى
وربنا معاك ويوفقك لما فيه الخير ليك دايما
ههههههههههههههههههههههههه بجد الفديو مسخره ...يهلك ضحك
بجد .... ما شاء الله
الف الف الف الف مبروووووووووووووووووووووووووك
يا
دكتور ...
doctor يــا
يــا دكتوور
مش عارفه ليه عجبانى الكلمه ... :))
فرحت اوى لما قرأت البوست .... كنت داخله بمود بوست حزن ...
فجأه حصلت حجات غريبه ..
المـود العام وتخيلكم وانتوا اصحاب متجمعين وفرحانين وبترقصوا
يـــاه ..
بجد بسم الله ما شاء الله ... ربنا يكون معاك بقا الايام الي جايه ... لان بيتهيألى الحياه العمليه حتحتاج مجهود اكبر
ممممممم .. وطاقه من الافكـار الي يمكن مكناش بنفكر فيها بقوه ... حتشغلك جامد
استعد يا بطل .. قصدي يا دكتور
:))
وربنا يجمعك انت واصحابك دايما وتفضلوا اصدقاء اوى
7 سنين مش بالساهل يا محمد ...
ربنا يباركلكم يا رب
ده عن اولا...
اما عن ثانيا
الموضوع الي بتتكلم فيه ده ... انت مش متخيل انا بعتقد فيه قد ايه ...
الكمبيوتر والموبايل والكاست .. الاجهزه ... عارف الكاسيت بتاعنا مكانش بيرضى يشغل الشريط الا بتاعنا بس :))))
كمان لعبي و انا صغيره ...
بحس ان الحجات الجوامد دي عايشه وبتحس بس حياه احنا منعرفهاش ...
اممممممم يعنى ...
ثالثا:
كـل سنه واحنا بنيجى هنا نشاركك افكـارك ... يمكن دي مناسبه اكتب ده هنـا
بجد المدونه دي ... "حصان بري " اكتر مدونه بتحفز دماغى انها تفكـر و دايما التفكير بيطول وبيكون محور نقاش مع الناس الي حواليا
بجد المدونه دي ... اثــر
حخلص اهوو لحسن كتبت كلام كتير اوى ...
حخلص بجمله من البوست نفسه بجد .. الجمله دي تستحق كـل احترام
" كل سنه والمدونه دي دايما صورتك اللي بتشوف فيها نفسك قبل مايشوفك الناس
"
تحياتى بجد ... تحياتى وحترامى
جداا
سلاااام يا دكتور
اولا بجد الف مبرررررروك انك خلصت
المهم تكون لسه بعقلك بعد دراسه ست سنين
هههههههههه
ايوه كده بقى بقيت عاطل وهتفضى للتدوين ولمدونتك يامعلم
هتحش بجد بقيمه مدونتك الايام الجايه
هههههه
انا بهرج ربنا يوفقك يارب ونشوفك بقى دكتور قد الدنيا
الف مبروك انك خلصت وخدت الشهادة ويا رب متفضلش عاطل كثير وتشتغل
الفيديو حلو ويموت ضحك
بالنسبة للمدونة فهي فعلا تستحق القراءة وانا زائرة دائمة كما تعلم حتى لو ما علقت
كل سنة وانت حر وقلمك حر
وتقدر تشوف نفسك بالمدونة وبالحياة صح
وعقبال 100 سنة للمدونة
تحياتي
مبرووووووووووك يا محمد ولا نقول بقى يا دكتور محمد
الف الف مبروك واستمتع بقى بحياة العاطلين
مع انك مش عاطل اوى ...مش لسه وراك امتياز ولا ايه
:)
يلا انتم السابقون
بالمناسبه الجميله دى بقى تعالى شرفنى فى عيد ميلادى
وكل عام تدوين وانت بخير
مستنيه الفيديو وباقى الصور
هههههههههههه
لا باينة الفرحة فى عنيكم
مبروووووووووووك يادكتور
بس انا ماافتكرش اننا هنعمل احتفالية زى اخر يوم فى الامتحانات كل سنة
البنات بطبيعتهم عاطفيين بزيادة
بس بقى بلاش ماتفكرنيش علشان انا لسه فى بداية السنة الاخيرة
وكل سنة والمدونة طيبة
وتفضل زى ماهى المكان اللى بلاقى فيه الابتسامة والنصيحة والكلمة الطيبة
وزى ماقولت المراية برضه
بس ساعتها هنشوفك فيها
مش هنشوف نفسنا
:)
رضوي
مي
رحيل
ياسمينا
بندقه
هبه
شكرا لكم كلكم ومعلش مقصر في الردود بس مبدخلش كتير فعلا
تحياتي كتير جدا وسلااااام
لولللللللللوللللللللللى
مبروك مبروك مبروك
عقبالنا يارب
وكل سنة وانت طيب
مدونة اى حد فينا جزء ممنه
وجزء مهم كمان
المهم فين الحاجة الساقعة والجاتوه بقة
مبروك مع انها متأخرة شوية
وبالنسبة لرابطه بتحصل بينك وبين الاشياء غير العاقله اللي بتعيش معاك وقت طويل بتحصل ودي بتبقى من ستر ربنا معاك وملهاش رد غير الحمد لله
هدي
:)
حمدالله علي السلامه
وانتي طيبه
سهر:
الحمد لله
ولا متأخره ولا حاجه
نورتيني
Post a Comment