صفحه جديده
5 years ago
Friday, 1 June 2007
عندك دم؟
لا لا البوست مش عن انعدام الشعور ولا الاحساس
ولا حتي هتكلم كلام طبي .....هتكلم كلام قهاوي من الاخر
من غير رغي كتير
فيه مرض اسمه انيميا البحر المتوسط او ال
thalassemia
ومن غير تفاصيل طبيه المرض ده انواع
منهم نوع بيحتاج الطفل فيه لتبرع دموي بشكل شهري
او من 3-4 اسابيع
والنوع ده منتشر جدا في مصر
اعتقد شفت الشكل ده قبل كده في اي مكان
اهو ده حاله متقدمه من المرض
الخلاصه بقي
فيه جمعيه اسمها جمعيه رساله
جمعيه خيريه متعدده النشاطات
خلينا في نقطه واحده منها دلوقتي
الجمعيه دي بتنظم متبرعين دائمين لكل طفل
واحد هيوصل لغايه هنا ويقفل المدونه ويقول : تبا لك الهذا جمعتنا
اسمعني للاخر
نرجع لموضوعنا
يعني ايه بقي متبرعين دائمين
يعني لو افترضنا ان سيادتك هتتبرع كل 3 شهور
يبقي محتاجين كام من سيادتك علشان الطفل يعيش
3
3 متبرعين ثابتين كافيين لامداد الطفل بالدم اللي محتاجه
او 4 متبرعات (لان البنت مسموح لها تتبرع كل 4 اشهر بسبب نزول كميه من الدم خلال الدوره)
ومن غيرهم يموت
طبعا حياته بأيد ربنا بس هو فعلا محتاج نقل دم كل شهر
ومن غير الدم ده بينزل الهيموجلوبين في دمه وبعد فتره مش كبيره من عدم النقل مابتقدرش نسبه الهيموجلوبين تحافظ عليه حي
اقتنعت باهميه الدم له؟
وعموما الحمله علي 6 متبرعين ثابتين لكل طفل
يعني تبرع مرتين ثابتين
فيه نقطه بقي
اصل واحد صاحب ابن خاله تيته بيقول ان التبرع بالدم بيسبب ضعف وانيميا الخخخخخخخخ
بص : الدم بيتجدد كليا كل 3 شهور
كرات الدم الحمراء والصفائح الدمويه واغلب كرات الدم البيضاء بتجدد في مده اقل من كده بكتير
يعني طبيا لو قست الهيموجلوبين والضغط وانت داخل تتبرع واتبرعت كل 3 شهور فانا اقسم لك انه مافيش اي مشكله طبيه ممكن تحصل لك بل بالعكس انت ساعتها بتادي زكاه جسدك من غير ماتخسر اي شيء
اتطمنت؟
حكم التبرع بالدم واسباب تمنع من التبرع ومعلومات اخري عن التبرع علي اللينك ده
هنا
حمله بنك الدم بشكل عام
هنا
نويت ان شاء الله؟
بص بقي
الحمله دي بتكون في اول خميس من كل شهر
في اي فرع من فروع رساله
وهي فين فروع رساله :
ولا حتي هتكلم كلام طبي .....هتكلم كلام قهاوي من الاخر
من غير رغي كتير
فيه مرض اسمه انيميا البحر المتوسط او ال
thalassemia
ومن غير تفاصيل طبيه المرض ده انواع
منهم نوع بيحتاج الطفل فيه لتبرع دموي بشكل شهري
او من 3-4 اسابيع
والنوع ده منتشر جدا في مصر
اعتقد شفت الشكل ده قبل كده في اي مكان
اهو ده حاله متقدمه من المرض
الخلاصه بقي
فيه جمعيه اسمها جمعيه رساله
جمعيه خيريه متعدده النشاطات
خلينا في نقطه واحده منها دلوقتي
الجمعيه دي بتنظم متبرعين دائمين لكل طفل
واحد هيوصل لغايه هنا ويقفل المدونه ويقول : تبا لك الهذا جمعتنا
اسمعني للاخر
نرجع لموضوعنا
يعني ايه بقي متبرعين دائمين
يعني لو افترضنا ان سيادتك هتتبرع كل 3 شهور
يبقي محتاجين كام من سيادتك علشان الطفل يعيش
3
3 متبرعين ثابتين كافيين لامداد الطفل بالدم اللي محتاجه
او 4 متبرعات (لان البنت مسموح لها تتبرع كل 4 اشهر بسبب نزول كميه من الدم خلال الدوره)
ومن غيرهم يموت
طبعا حياته بأيد ربنا بس هو فعلا محتاج نقل دم كل شهر
ومن غير الدم ده بينزل الهيموجلوبين في دمه وبعد فتره مش كبيره من عدم النقل مابتقدرش نسبه الهيموجلوبين تحافظ عليه حي
اقتنعت باهميه الدم له؟
وعموما الحمله علي 6 متبرعين ثابتين لكل طفل
يعني تبرع مرتين ثابتين
فيه نقطه بقي
اصل واحد صاحب ابن خاله تيته بيقول ان التبرع بالدم بيسبب ضعف وانيميا الخخخخخخخخ
بص : الدم بيتجدد كليا كل 3 شهور
كرات الدم الحمراء والصفائح الدمويه واغلب كرات الدم البيضاء بتجدد في مده اقل من كده بكتير
يعني طبيا لو قست الهيموجلوبين والضغط وانت داخل تتبرع واتبرعت كل 3 شهور فانا اقسم لك انه مافيش اي مشكله طبيه ممكن تحصل لك بل بالعكس انت ساعتها بتادي زكاه جسدك من غير ماتخسر اي شيء
اتطمنت؟
حكم التبرع بالدم واسباب تمنع من التبرع ومعلومات اخري عن التبرع علي اللينك ده
هنا
حمله بنك الدم بشكل عام
هنا
نويت ان شاء الله؟
بص بقي
الحمله دي بتكون في اول خميس من كل شهر
في اي فرع من فروع رساله
وهي فين فروع رساله :
ت:7442003 | دار رسالة بفيصل: 209 ش فيصل(محطةالطوابق)-الجيزة |
|---|---|
ت:3377714 | دار رسالة بالمهندسين :24 ش المدينة المنورة من محي الدين أبو العز |
ت:7058808 | (دار رسالة بالمعادي :منطقة اللاسلكي أمام مؤمن(خلف مقهى تيتانيك |
ت:8373618/19/20 | (دار رسالة 6أكتوبر :طريق المحور بجوار مستشفى الفؤاد (أمام التبة |
ت :6207801/2/3/4 | دار رسالة مصر الجديدة :9 ش أحمد عبد الخالق من ش الحجاز خلف سيتي بنك |
| دار رساله حلوان : العنوان :16أ شارع يوسف_امام رئاسة حى حلوان ........التليفون :5570410 دار رساله اسكندريه: العنوان: 44 ش توت عنخ امون -سموحة بجوار كوبرى كليوبترا مترو ماركت ......التليفون: 4292900/03 دار رساله بنها: العنوان : 2 ش المدرية- محطة العادلى- امام سنتر مملكه ..........التليفون:3271600 013 فيه فروع تانيه في طنطا والمنوفيه والقناطر الخيريه والسويس والمنصوره والفيوم والزقازيق والعاشر من رمضان وبني سويف والمنيا وغيرهم | |
وباقي العناوين والتليفونات علي اللينك ده
هنا
وده موقع رساله
هنا
طيب
يعني من الاخر
الخميس الجاي
هيكون يوم 7-6 علي ماعتقد
هو ميعاد الحمله الجايه
ولو فيه تغيير هبلغكوا ان شاء الله
كلمه اخيره
عملت البوست ده ليه
الشهر اللي فات عدد المتبرعين في فروع القاهره كان كالتالي
| الفرع | مشترك |
| المهندسين | 88 |
| فيصل | 52 |
| معادى | 61 |
| مصر الجديده | 67 |
طبعا شايف ان ده قليل
ونفسي الشهر ده يزيد العدد علي قد مانقدر
يعني لو كل واحد (او واحده ) جاب معاه واحد صاحبه
يبقي كله ثواب
وفي نفس الوقت نبقي وقفنا وقفه ايجابيه مره في حياتنا لانقاذ طفل كل ذنبه انه اتولد بعيب خلقي في تكوين الهيموجلوبين اللازم لحياته
بس الاول ماتنساش تثبت النيه قبل ماتروح علشان الثواب ان شاء الله كبير جداااااااااااااا
كلامي خلص
اتمني يكون بفايده
تحديث
يعني لو صوره من دول مع ميعاد الحمله وموقع رساله في السايد بار بتاع اي مدونه
ممكن تتحول لحمله عن طريق المدونات
وممكن يجيلك حسنه واحده من وراها
Subscribe to:
Post Comments (Atom)
9 comments:
شكرا يا محمد على البوست....ان شاء الله يعمل فرق للشهر ده
:)يارب يا ساره بجد
جزاك الله كل خير
انا كنت متبرعة دائما للدم وأنا فى سنكم كدة لكن دلوقتى بقيت انا شخصيا محتاجة لنقل دم عشان أعوض الأنيميا المزمنة اللى مش بتروح ابدا
تحياتى
جزاك الله مثله يا ياسمين
سلامتك من الانيميا
اضبطي الاكل والمود وهتبقي زي الفل
انتي في الثلاثينات تقريبا مش كده
منوره يا جميل
هقولك ايه يا محمد
الموضوع ده انا حاسه بيه اوى وبجد انا بحييك انك حطيته
بس انا عندى نقص شديد فى الهموجلبن
وكل فتره بعمل تحليل علشان اتأكد بيزيد ولا
بس مش بيزيد :s
انا فعلا بعانى من انيميا حادة
بس انا هنشر كلامك ده على المستوى الشخصى
واتمنى انه يحقق فرق
تحياتى
:)تعرفي يا شيماء
مره كنت واقف في حمله تبرع
وجت واحده عاوزه تتبرع
ضغطها 90/50 وده قليل
والهيموجلوبين كان 9 تقريبا
كانت هتموت وتتبرع
معلش يا مدام ان شاء الله تقدري الشهر الجاي
لفت وراحت عند زميلي
نفس النظام
الثالث ونفس النظام
رجعتلي تاني تقول انا هتبرع علي مسئوليتي
يعني هكتب اقرار بان اي حاجه تحصل تبقي مسئوليتي الشخصيه
واحد زميلنا كان موجود في حملات قبل كده بيقول انها بتيجي كل شهر
وبنفس القصه
وعاوزه تتبرع ولو علي حساب صحتها
بجد احرجتنا كلنا من نفسنا
مش مهم اتبرعت ولا لا المهم انها كانت عاوزه تساعد بجد
الشعب ده مليان خير وان شاء الله يبقي فيه فرق
نورتي يا شيماء وان شاء الله يزيد الهيموجلوبين وتتبرعي قريب
وشكرا علي نشر الحمله
وان شاء الله يتكتب لكي ثواب اي واحد يتبرع علي ايدك
"جزاك الله كل خير "
واعنا جميعا على فعل كل ما نستطيع لاسعاد ولو شخص واحد
شكرا ليك
لفته انسانيه كان لابد منها
شكرا ليك
:)
انا كنت في الجمعيه لغايه قبل خروجي من مصر
في ميدان الحجاز
وكنت بشوف المجهود الكبير الي بيتعمل فيها
وكنت بحب اشارك واخلي الدنيا كلها تشارك
المتعه والسعاده والاحساس الرائع الي بتحسه لما تعمل حاجه خير لا يقدر بمال
عارف كمان مرضي السرطان
وانت بترسم علي وشهم الابتسامه
بمجرد كلمه او لعبه او لمسه يد حانيه
كانت ليها مفعول السحر والله
ايام عدت عليا وان في منتهي السعاده وللاسف اتحرمت منها بخروجي من مصر
ربنا يجازيك الف مليون خير علي الي بتعمله
تحياتي ليك ايها الجواد النبيل
ساعه غروب:
جزاك مثله يارودي
:)
تشكرات افندم
يارب يا رضوي والاهم ان ربنا يخلص العمل ده من النفاق
جهينه:
بجد :)
رسالجيه قديمه يعني
يامرحب يا مرحب
فعلا رسم بسمه علي شفاه طفل او مريض بالدنيا
بتحسي انك فعلا غيرتي حياته ولو بحاجه بسيطه
بس مع كل السعاده دي تيارات ومشاغل الحياه دابما بتجرفنا
ان شاء الله تلاقي عمل خيري عندك برضه
وترجعي تكملي هنا قريب ان شاء الله
تحياتي يا جيهان
Post a Comment