حصان بري: مرور

Sunday 14 January 2007

ازيكم يا جماعه

كلامي النهارده للمصريين

طبعا فيه اكتر من واحد مننا اتعطل عن شغله بسبب المرور

وده طبعا من البنيه التحتيه اللي الريس مالهوش كلام غير عليها

بس مش هتكلم عن كده النهارده

علي الدائري وقبل نزله المعادي مطلعين 4-5 براميل اسمنت قافلين بيهم نص الكوبري

وعربيتين بوكس وشويه عساكر ومخبرين وظابط واحد برتبه صغيره

والمشكله ان ده مش مره ويعدي ده اغلب الوقت

وطبعا فيه ممر بين البراميل وسور الكوبري علشان الشخصيات المهمه ماتتعطلش

وشفت بعيني عربيه معديه منه وصاحبها بيسلم علي الضابط

هو خلاص بقينا حبه فوق وحبه تحت

وطبعا فوق الكلام ده كله نقطه تفتيش المنيب او حاجه زي كده

يا جماعه ده انتوا في وسط البلد تفتيش ايه بس

طبعا ده بيقفل الدائري لغايه مطلع المنيب علي اقل تقدير

وفيه واحده زي دي علي اول الكورنيش من ناحيه شبرا

اعتقد ده ممكن يحصل لو فيه عمليه ارهابيه او خطر امني

انما كل اللي بيعملوه بيسمكوا اللي مربي دقنه ويسحبوه علي القسم

دي سنه مش خطر امني يا جماعه.

ياريت يبقي الموضوع ده في حدود المعقول يا جماعه الناس مش ناقصه عطله.