حدث وسيحدث
4 years ago
Sunday 25 January 2009
Wednesday 21 January 2009
Tuesday 6 January 2009
عندما يتغير طعم الحياه
آآآآآآآآآ ................صعب قوي علي فكره انك تتكلم عن ظاهره عامه
وخصوصا لو كانت سلبيه
صعب قوي تتطلع اسباب مع ان النتيجه واضحه
عامل زي انهيار الاقتصاد العالمي
كل واحد طالع يقول سبب وفي النهايه مفيش سبب منهم يقدر علي ده كله
اللي بتكلم عنه
هي اشبه بحاله
فقدان ابتسامه يمكن
فقدان امل جايز
فقدان مبدأ احتمال
حاله علي ماتفرج
هي حاله بتحصلك لما بتسمع خبر من غزه متركزش قوي معاه يتخزن في عقلك الباطن ويطلع في معاملتك مع واحد صاحبك
هي حاله بتحصل لما بتقعد ساعه في المواصلات وتوصل شغلك او كليتك معندكش دماغ من اولها
هي حاله بتحصل لما تواجه الغلا بشكل يومي ولو حتي في حاجات بسيطه بس بتطلع بشكل استغلالي ويطلع رد فعل في معاملتك في شغلك
هي حاله بتحصل لما تلاقي ناس كنت عارفها واتغيرت لمجرد سبب مادي شايفه هايف في نظرك
هي حاله بتحصل لما تفتحه التليفزيون وتلاقي برنامج هايف ومتلاقيش حاجه تتابعها غيره
لما تلاقي مناقشه هايفه بتدور قدامك وعارف الطرفين فيها انها سفسطه ومكملين لمجرد ان مفيش كلام تاني يتقال
لما تبقي الابتسامه غرض مش نتيجه
لما يبقي ناس بتتعامل بمنطق المنفعه وبس والباقي بمشي ورا نفس المنطق لمجرد انه لو خالفه هيبقي اهبل قدامهم
لما نبني ابتسامه في مكان ومنقدرش نحافظ عليها لان الابتسامه بقت صعبه قوي الايام دي
لما تحس حتي لو ناجح في حياتك انك بتدور في ساقيه وسايب كتير قوي وراك كان نفسك فيه
مش عارف الكلام كفايه ولا حد عنده يكمل............
يمكن السبب اللي بيحصل لاهلنا بره ومش عارفين نغيره
ممكن الغلا
ممكن الزحمه
ممكن استغلال الناس
ممكن الناس اتغيرت وسهل قوي تتغير انت كمان
وصعب قوي تواجه التيار
كل اللي اعرفه اني نفسي اقاوم شويه كمان
........................................................
وفي الاخر برغم كل اللي اتقال وهيتقال
ابتسامه
ممكن دي تفضل معاك لبكره
Subscribe to:
Posts (Atom)
