Monday 27 August 2007

الهمجي

فارس وحيد
 علي تل مقفر
وسط الضباب
انكسر سيفه في يده
وسقط عن صهوه جواده

لكنه
لن يموت الا اذا زحف وتوسل

من زمان ماشفتش مسرحيه الهمجي
بتعجبني النهايه

Posted by حصان بري at 15:08 24 علقوا

Tuesday 21 August 2007

خاطره

متي يملؤك الحب؟
مازلت علي اوهامك منذ خلقت
قلب لامرأه واحده
تملك مفتاحه

فلترفض الف والف اميره
وعش لليال تنبض حيره
تبحث عن كنز فوق جزيره

وتناجي نجما يبعد عنك ملايين السنوات:

يا روحا قدري منذ خلقنا الله
يا وجها ابحث بين وجوه البشر جميعا.. علي اراه
يا قلب يروي بحبه وسط فؤادي.. الف فلاه

يا طير قادم جهه الشرق ..يشق ضباب
يا زهره فل ..مست قلبا كان خراب
يا ثوب قطيفه ينزع عن فمي الانياب

سانتظرك
ليرف جناحك حول مداري
وتذيبي جمود العقل ..بحب ناري
ولتكسو غلاله حب ورقه ..أفكاري
ولتسكن روحي عينا ..صارت داري
سانتظرك

Posted by حصان بري at 14:46 32 علقوا

Tuesday 14 August 2007

عيد ميلادي يا بشر

مبدئيا البوست ده هيطول بس اعتقد هيكون خفيف

الكام بوست اللي فاتوا حسيت اني قلبت فيلسوف و الكلام كان تقيل حبتين انا عارف
المره دي البوست مختلف
بالضبط هكمل 23 سنه بعد بكره
الخميس ان شاء الله 16/8
وكان ميلادي يوم خميس برضه
-طبعا هديتي محفوظه :)
بس مش هتكلم عن كده

كل واحد بيشوف عيد ميلاده بمنظور مختلف
فيه اللي بيفرح بيه وفيه اللي بيتحسر علي السنين اللي فاتت من عمره

بالنسبه لي
قعدت احسب ايه المميزات والعيوب اللي كانت في السنه اللي فاتت؟
ايه الاخطاء اللي وقعت فيها؟
علي حسب مافتكرت يعني
سواء علي المستوي الديني او الاجتماعي او العلمي او العاطفي حتي
اكتشفت كوارث
يمكن اقول حتي اكتشفت شهور كامله ضاعت من غير ماستفيد منها حاجه جامده
عدت وخلاص
ده غير الاخطاء المتراكمه اللي يمكن ساعات ماكنتش بتعلم منها وبعيدها تاني ويمكن تالت
وعلشان كده نويت قبل مادخل السنه الجديده احط الاخطاء في ورقه
ولو كانت تافهه
وامسك واحده بواحده اصلحها
وفي الغالب هتلاقوها اخطاء في الشغل او اجتماعيه ودينيه والثلاثه قابلين للاصلاح اوالتوبه
................................................
وانتوا
كل واحد يقعد مع نفسه يحاسبها علي سنه عدت
شايفين الجنينه اللي فوق دي
اكيد كل واحد عنده جنينه زيها قريبه من بيته
ممكن مش زيها قوي يعني :)
المهم يقعد فيها
ايون علي الارض

ولو في المصيف يبقي يا سلام يطلع علي الشط من المغرب للعشا
ويقعد علي الرمل

لو لا كده ولا كده يطلع في البلكونه ويجيب سجاده صغيره - سجاده الصلاه مثلا - وينام عليها ويبص في السما
المهم اي حاجه تساعد علي التركيز

يشوف السنه اللي فاتت
استفاد فيها ايه وغلط فيها ايه؟
ويمسك الاخطاء واحد واحد ويحاول يصلحها
فيه اخطاء ممكن يلاقيها صعبه جدا وكبيره ومعاه طول حياته وحاول يصلحها قبل كده وفشل

ياجماعه الانسان بيستخدم اقل من 10 في الميه من طاقاته
وانا بقول ان الانسان المصري بيستخدم اقل من 1 في الميه
ركز بس وحاول تاني

لو مثلا في الشغل
حاسس انك مش في المكان اللي تتمناه
اوعي تفكر ان ده مكانك خلاص
ركز وغير طريقه شغلك
ابدع حاجه جديده
طريقه جديده
فكر في حاجه تديلك مكسب اكتر او شهره اكتر
ركز مره واحده وصدقني هتحافظ بعد كده علي الدرجه اللي وصلتها بسهوله

امسك حياتك من الالف للياء
لو بتكتب وحاسس ان اللي بتكتبه مش بيأثر في اللي بيقراه
ركز في موضوع وطلع فيه كل طاقاتك بحيث يكون اهم موضوع هتكتبه
اهم قصه
اهم روايه
حط فيه كل اللي عندك
وهتلاقي اللي بعده علي نفس المستوي او اقل بجزء بسيط

يااخي لو بتلعب اي لعبه -ولتكن شطرنج -مع واحد ومبهدلك
وانت عارف انه بيلعب احسن
ركز مره وامسح بيه الارض
هتفرق معاك كتير

لو كان عندك هوايه وحاسس انك ممكن تبقي فيها حاجه ارجعلها

علي المستوي الديني بقي
ايه رأيك لو تنوي يوم من الفجر انك مش هتعمل فيه اي معصيه
ايوه يوم واحد من غير معصيه - كتير ؟
وطبعا المعاصي هنا تشمل الكذب والنميمه والسباب والنظر والتصنت والسجاير لو بتشرب والمكياج لو بتحطي
وطبعا هتصلي كل الصلوات ويا حبذا لو تكون جماعه
ولو تعمل حاجه من اللي جاي ده يبقي كتير خيرك
صله رحم او زياره مريض او الذهاب في جنازه
وشوف بعدها هيأثر فيك ازاي!!!

هتواجه صعوبات؟
اكيد وده اللي هيخليك اقوي

ياجماعه احنا عايشين مره واحده
لو ماعشناش صح يبقي ملهاش لازمه
مفيش اي داعي اننا نخزن طاقه جوانا مانستفادش بيها
طلعها مره هتلاقيها بتسبقك للخروج
احجز لنفسك مكان تحت الشمس زي مابيقولوا

:) اه بالنسبه للهديه انا عاوز مع كل تعليق نكته
بس تكون حلوه
بلاش نكت بايخه في عيد ميلادي ياريت :)

و كل سنه وانتم كلكم طيبيييييييييييييييييين
تحديث
هديه من رنا وشكرا عليها بجد رقيقه جدا

Posted by حصان بري at 11:16 36 علقوا

Saturday 11 August 2007

ثغره في الجدار

انسان وحيد جدا فريد مغترب
بلا معالم ..........بلا معني لحياته
انما افعاله مجرد قصاصات عواطف .... وفتافيت مشروعات لا تكتمل ابدا
فهو يشتاق فجأه للذهاب الي السينما
وفي طريقه للسينما يتوقف عند فاترينه عطور
ويتحلق بصره حول متفرجه جميله تقف الي جواره
ويتعلق بها ويلاحقها
ثم يصطدم به صديق قديم في الطريق
ليقول له فجأه
ايه ياعم مالك سرحان كده..... رايح علي فين
ويأخذه الصديق تحت ذراعه
فيدخل في ذراعه كفرخ حمام قليل الحيله
وينسي مشروع السينما
وينسي الفاتنه التي لاحقها عند فاترينه العطور
ويذهب مع صديقه الي البيت
فيجد برتيته كوتشينه حاميه فينضم اليها في حماس
ويخسر كل نقوده
ويعود الي البيت ماشيا
فيجد خاله يسكر ....فيسكر معه
ثم يستلقي علي الفراش منهكا بعد يوم كامل بلا معني
يوم لا يدري ماذا كان يريد فيه بالضبط
.................................................
انه يريد ولكنه لا يعلم ماذا يريد
يخاف لكنه لا يعرف ماذا يخاف
يتمني ولا يعرف ماذا يتمني
ينتظر ولا يتبين ماذا ينتظر بالضبط
................................................
يضع من يحب في اظار من الزخارف والخيالات
وقد يرسم لها صوره جديده من ابداعه
فيعطي لمحاسنها لونا باهرا
ويخفي عيوبها في مساحه من الظل
وهو يتذكر كل كلمه قالتها
ويعطي لكل همسه معني لم تقصده
وتكون نتيجه هذه التصورات ان لذاته تكتسب اعماقا غير حقيقيه
وتبلغ درجه من الكمال الوهمي تغريه بالالتصاق بها
فيتجمد عندها
............................................................
ان السجين يشكو ولكن مفتاح السجن في جيبه ... هو الذي ادخل نفسه واغلق خلفه الباب
وفي امكانه ان يتحرر
في امكانه ان يمحو الالوان والظلال من مشكلته
وبهذا يذيب الغراء الذي يلصقها بوجدانه
..........................................................
انه بحاجه الي ثلاث مراحل ليفلت من هذا السجن
1 -ان يفهم نفسه ويكتشف قدراته وامكانياته
ويزيح النقاب عن رغبته الحقيقيه ... هدف حياته

2- ان يقطع حبل التصورات والخيالات التي تغذي لذاته
وبهذا يخلع نفسه من الحائط ويضع حدا لجموده الداخلي

3- ان يلقي بنفسه في شعور جديد وتجربه جديده بدون تحفظ وبدون خوف
لا يهتم اهي تجربه حلوه ام مره
جميله ام كريهه
لان المهم هو لذه الاكتشاف
والعلاج لحالته هو المواجهه

مقتطفات من كتاب الاحلام لمصطفي محمود

Posted by حصان بري at 22:17 10 علقوا

Tuesday 7 August 2007

صديقي

.......ظلمناك يا صديقي
استبدلنا الحانك الرقيقه بطبول الحرب....
استبدلنا مملكتك الورديه بعقدنا السوداء......
....وكنا الخاسر الوحيد في النهايه...

ايها الحب !!!!
استخدمناك ستارا.......
لنقصنا... غرورنا... هروبنا من كل شيء حتي من انفسنا

ايها الحب !!!!
صنعنا غذائنا وملبسنا ومسكننا في هذا العصر البارد
فظننا انه بالامكان صنع علاقاتنا......
صنع عواطفنا.........
مسخنا اجمل ما في دنيانا الي دراسه جدوي
الي عمليه حسابيه بارده........

ايها الحب !!!!!
كم مره ناديتنا فما سمعناك
كم مره خسرناك

صديقي !!!!
اخبرنا اين انت ؟!!!!

اعذرنا ... فقدنا الفطره التي كنا نراك بها
غشيت غيامه المدنيه لدينا بصيره الحب
...........................................
ويأتي صوت:
انا صوره سكنت خيالك فلم تري غيرها
انا صوت سكن اذنك فلم تسمع غيره
انا شخص سكن قلبك فلم تعرف دونه
انا نظره فأبتسامه
انا تضحيه لن تدركها
انا كلمه شكر لن تنتظرها
انا نظره تدفع العمر في محرابها
...................................
مازلت لم تجدني ؟!!!!!!

اخرج من مدينتك المغلقه
ابحث عني في صحراء
في بحيره هادئه
في يوم ممطر
في ابتسامه القمر
في مجموعه نجميه
..........................
ابحث حولك
عن لهفه كلمه
عن ضحكه عين
عن دقه قلب
عن لمعه حب
...................................
عندما تجدني
اخرج عقدك فاغرقهم في بحري
فلن يحتويهم بحرا اخر
انزع غلافك علي بابي
فاذا بقت تلك الروح الفطريه
فاحب بها
فقط بها
وادخل مملكتي طائرا فلا يسير لدي البشر

Posted by حصان بري at 10:57 12 علقوا
Subscribe to: Posts (Atom)