Thursday 28 June 2007

اه يا بلد





هل انت انسان ام انجليزي؟
قالها برنارد شو عن شعب بلا اخلاق
ولو رأي شعبنا لقالها عن شعب بلا كرامه
هل انت انسان ام مصري؟
رايت مشهد في الشارع لم يتح لي تصويره
فتح جروحا قديمه عن شعب يخشي كلمه لا

Posted by حصان بري at 03:30 8 علقوا

Saturday 9 June 2007

احذر وقوف متكرر


ياجماعه انا اوف تدوين لفتره ان شاء الله مش هتطول
وذلك لظروف شبكيه بحته
هتوحشوني جميعا

Posted by حصان بري at 04:13 11 علقوا

Friday 1 June 2007

عندك دم؟


لا لا البوست مش عن انعدام الشعور ولا الاحساس
ولا حتي هتكلم كلام طبي .....هتكلم كلام قهاوي من الاخر
من غير رغي كتير
فيه مرض اسمه انيميا البحر المتوسط او ال
thalassemia
ومن غير تفاصيل طبيه المرض ده انواع
 منهم نوع بيحتاج الطفل فيه لتبرع دموي بشكل شهري
او من 3-4 اسابيع
والنوع ده منتشر جدا في مصر
اعتقد شفت الشكل ده قبل كده في اي مكان
اهو ده حاله متقدمه من المرض

الخلاصه بقي
فيه جمعيه اسمها جمعيه رساله

جمعيه خيريه متعدده النشاطات
خلينا في نقطه واحده منها دلوقتي
الجمعيه دي بتنظم متبرعين دائمين لكل طفل


واحد هيوصل لغايه هنا ويقفل المدونه ويقول : تبا لك الهذا جمعتنا
اسمعني للاخر

نرجع لموضوعنا
يعني ايه بقي متبرعين دائمين
يعني لو افترضنا ان سيادتك هتتبرع كل 3 شهور
يبقي محتاجين كام من سيادتك علشان الطفل يعيش
3
3 متبرعين ثابتين كافيين لامداد الطفل بالدم اللي محتاجه
او 4 متبرعات (لان البنت مسموح لها تتبرع كل 4 اشهر بسبب نزول كميه من الدم خلال الدوره)
ومن غيرهم يموت
طبعا حياته بأيد ربنا بس هو فعلا محتاج نقل دم كل شهر
ومن غير الدم ده بينزل الهيموجلوبين في دمه وبعد فتره مش كبيره من عدم النقل مابتقدرش نسبه الهيموجلوبين تحافظ عليه حي
اقتنعت باهميه الدم له؟
وعموما الحمله علي 6 متبرعين ثابتين لكل طفل
يعني تبرع مرتين ثابتين

فيه نقطه بقي
اصل واحد صاحب ابن خاله تيته بيقول ان التبرع بالدم بيسبب ضعف وانيميا الخخخخخخخخ
بص : الدم بيتجدد كليا كل 3 شهور
كرات الدم الحمراء والصفائح الدمويه واغلب كرات الدم البيضاء بتجدد في مده اقل من كده بكتير
يعني طبيا لو قست الهيموجلوبين والضغط وانت داخل تتبرع واتبرعت كل 3 شهور فانا اقسم لك انه مافيش اي مشكله طبيه ممكن تحصل لك بل بالعكس انت ساعتها بتادي زكاه جسدك من غير ماتخسر اي شيء
اتطمنت؟
حكم التبرع بالدم واسباب تمنع من التبرع ومعلومات اخري عن التبرع علي اللينك ده
هنا
حمله بنك الدم بشكل عام
هنا



نويت ان شاء الله؟
بص بقي
الحمله دي بتكون في اول خميس من كل شهر
في اي فرع من فروع رساله
وهي فين فروع رساله :
ت:7442003
دار رسالة بفيصل: 209 ش فيصل(محطةالطوابق)-الجيزة

ت:3377714
دار رسالة بالمهندسين :24 ش المدينة المنورة من محي الدين أبو العز
ت:7058808
(دار رسالة بالمعادي :منطقة اللاسلكي أمام مؤمن(خلف مقهى تيتانيك
ت:8373618/19/20
(دار رسالة 6أكتوبر :طريق المحور بجوار مستشفى الفؤاد (أمام التبة
ت :6207801/2/3/4
دار رسالة مصر الجديدة :9 ش أحمد عبد الخالق من ش الحجاز خلف سيتي بنك


دار رساله حلوان :
العنوان :16أ شارع يوسف_امام رئاسة حى حلوان ........التليفون :5570410

دار رساله اسكندريه:
العنوان: 44 ش توت عنخ امون -سموحة بجوار كوبرى كليوبترا مترو ماركت ......التليفون: 4292900/03

دار رساله بنها:
العنوان : 2 ش المدرية- محطة العادلى- امام سنتر مملكه ..........التليفون:3271600 013
فيه فروع تانيه في طنطا والمنوفيه والقناطر الخيريه والسويس والمنصوره والفيوم والزقازيق والعاشر من رمضان وبني سويف والمنيا وغيرهم


وباقي العناوين والتليفونات علي اللينك ده
هنا

وده موقع رساله
هنا

طيب
يعني من الاخر
الخميس الجاي
هيكون يوم 7-6 علي ماعتقد
هو ميعاد الحمله الجايه
ولو فيه تغيير هبلغكوا ان شاء الله

كلمه اخيره
عملت البوست ده ليه
الشهر اللي فات عدد المتبرعين في فروع القاهره كان كالتالي
الفرع مشترك
المهندسين
 88
فيصل
 52
معادى
 61
مصر الجديده
 67

طبعا شايف ان ده قليل
ونفسي الشهر ده يزيد العدد علي قد مانقدر
يعني لو كل واحد (او واحده ) جاب معاه واحد صاحبه
يبقي كله ثواب
وفي نفس الوقت نبقي وقفنا وقفه ايجابيه مره في حياتنا لانقاذ طفل كل ذنبه انه اتولد بعيب خلقي في تكوين الهيموجلوبين اللازم لحياته

بس الاول ماتنساش تثبت النيه قبل ماتروح علشان الثواب ان شاء الله كبير جداااااااااااااا

كلامي خلص
اتمني يكون بفايده

تحديث
يعني لو صوره من دول مع ميعاد الحمله وموقع رساله في السايد بار بتاع اي مدونه
ممكن تتحول لحمله عن طريق المدونات
وممكن يجيلك حسنه واحده من وراها

Posted by حصان بري at 00:17 9 علقوا
Subscribe to: Posts (Atom)